သက်သေခံကတ်ပြားဖြင့် တယ်လီနောဆင်းကတ်ကို မှတ်ပုံတင်ပါ။

ဆက်သွယ်ရေးညွှန်ကြားမှု ဦးစီးဌာနမှ ဆင်းကတ်အားလုံးကို မှတ်ပုံတင်ရန်လိုအပ်သည်ဟု ညွှန်ကြားထားသည်။ လူကြီးမင်း၏ သက်သေခံကတ်ပြားဖြင့် ဆင်းကတ် ၂ကတ်အထိသာ မှတ်ပုံတင်နိုင်မည်ဖြစ်သည်။
ဆင်းကတ် မှတ်ပုံတင်ရန်ခွင့်ပြုထားသော ကတ်များမှာ-
၁။ နိုင်ငံသားစိစစ်ရေးကတ်
၂။ Passport (နိုင်ငံခြားသားများအတွက်သာ)

*ဤဝက်ဘ်ဆိုက်မှတစ်ဆင့် တယ်လီနောဆင်းကတ်မှတ်ပုံတင်ခြင်းကို မိမိကိုယ်တိုင်အတွက် သာမက မိသားစုဝင်၊ မိတ်ဆွေသူငယ်ချင်းများအတွက်လည်း လိုအပ်သည့် အထောက်အထားများ ပြည့်စုံမည်ဆိုလျှင် ကိုယ်စားဆောင်ရွက်ပေးနိုင်ပါသည်။

တခြားနည်းလမ်းဖြင့် လက်ရှိဆင်းကတ်အမည်ပေါက်စစ်ဆေးရန်။

ဆင်းကတ်မှတ်ပုံတင်ထားခြင်းရှိမရှိ ဒါမှမဟုတ် ဆင်းကတ်အမည်ပေါက်မှန်မမှန်ကို . . .
*979*3*3# ကိုခေါ်ဆိုပြီးဖြစ်ဖြစ် (ဒါမှမဟုတ်)
"REG" လို့ရိုက်ပြီး "500" ကို SMS ပို့ပြီးဖြစ်ဖြစ် အခုပဲ စစ်ဆေးလိုက်ပါ။

ဆင်းကတ်မှတ်ပုံတင်ရန် လိုအပ်သည့်အချက်များ

မှတ်ပုံတင်ရန် လိုအပ်ချက်များ

• သင်၏ဆင်းကတ် နှင့် လက်ကိုင်ဖုန်း
• သုံးစွဲသူ၏ သက်သေခံကတ်ပြား ဥပမာ- နိုင်ငံသားစိစစ်ရေးကတ်ပြား (သို့မဟုတ်) နိုင်ငံခြားသားဖြစ်လျှင် နိုင်ငံကူးလက်မှတ်
• မည်သည့်နည်းဖြင့်မဆို ဆင်းကတ်မှတ်ပုံတင်ခြင်းအတွက် အခကြေးငွေ တစ်စုံတစ်ရာမှ ပေးဆောင်ရန် မလိုပါ။

ဆင်းကတ်မှတ်ပုံတင်ရန်သင့်ထံမှ အောက်ပါအချက်အလက်များကို မေးမြန်းသွားမည်ဖြစ်သည်။

• အမည်
• သက်သေခံကတ်ပြား မိတ္တူ + မူရင်း (နိုင်ငံသားစိစစ်ရေးကတ်ပြား/ နိုင်ငံခြားသားဖြစ်ပါက နိုင်ငံကူးလက်မှတ်)

ကိုယ်တိုင်မှတ်ပုံတင်ခြင်း (သို့) အွန်လိုင်းမှတဆင့် ဆက်သွယ်ခြင်း

လူကြီးမင်းတို့၏ဆင်းကတ်ကို အွန်လိုင်းတွင် ပြန်လည်မှတ်ပုံတင်လျှင် လိုအပ်သည့် အချက်အလက်များကို ကိုယ်တိုင်ဖြည့်စွက်ရမည်ဖြစ်ပြီး၊ အကူအညီရယူပါက customer care ဝန်ထမ်းမှ ကူညီပေးမည်ဖြစ်သည်။

အောက်ပါနည်းလမ်းများမှတဆင့် အခမဲ့ မှတ်ပုံတင်နိုင်မည်။

တယ်လီနောဝက်ဆိုက်မှ တဆင့် ကိုယ်တိုင်မှတ်ပုံတင်ခြင်း
လက်ရှိ ဆင်းကတ်အား မှတ်ပုံတင်ခြင်း၊ အချက်အလက်များထပ်မံဖြည့်စွက်ခြင်း၊
ပိုင်ရှင်အမည်ပြောင်းခြင်း စသည်တို့ကို လုပ်ဆောင်နိုင်သည်။

MyTelenor App မှ တဆင့် ကိုယ်တိုင် မှတ်ပုံတင်ခြင်း
Android သို့မဟုတ် iOS ဖုန်းပေါ်တွင် MyTelenor app ဒေါင်းလုတ်လုပ်၍ မှတ်ပုံတင်နိုင်သည်။

ဖေ့စ်ဘုတ်မှတဆင့် မှတ်ပုံတင်ခြင်း
ဖေ့စ်ဘုတ်မှတဆင့် တယ်လီနော၏ တရားဝင်ဖေ့စ်ဘုတ်စာမျက်နှာသို့ သွားရောက်၍ မှတ်ပုံတင်နိုင်ပါသည်။

Viber မှ တဆင့် မှတ်ပုံတင်ခြင်း
တရားဝင် တယ်လီနော Viber အကောင့်မှ အရောင်းကိုယ်စားလှယ် တစ်ဦးဦးအား ဆက်သွယ်၍မှတ်ပုံတင်နိုင်သည်။

အီးမေးလ်မှတဆင့် မှတ်ပုံတင်ခြင်း
reg@telenor.com.mm သို့ အီးမေးလ်ပေးပို့ခြင်းဖြင့် မှတ်ပုံတင်နိုင်ပါသည်။

နီးစပ်ရာ တယ်လီနော အရောင်းဆိုင်တွင် မှတ်ပုံတင်ခြင်း

နီးစပ်ရာ တယ်လီနော အရောင်းဆိုင်များ
သွားရောက်၍လည်း မိမိဆင်းကတ်ကို မှတ်ပုံတင်စာရင်းပေးသွင်းနိုင်ပါသည်။ မှတ်ပုံတင်ယူဆောင်သွားရန် မမေ့ပါနှင့်။