Press Release

အပြည်ပြည်ဆိုင်ရာ ကလေးသူငယ်များနေ့အထိမ်းအမှတ်အဖြစ် ‘ဘေးကင်းသော အင်တာနက်’ ဟောပြောပွဲများ တယ်လီနောက တပြိုင်နက်တည်း အများဆုံးကျင်းပမည်

14 November, 2018 - Yangon

  • ဘေးကင်းသော အင်တာနက်’ ဟောပြောပွဲများအား ကရင်ပြည်နယ်၊ ရှမ်းပြည်နယ်နှင့် ရန်ကုန်တိုင်း ဒေသကြီး အတွင်းရှိ နေရာပေါင်း ၃၃ ခုတွင် တစ်ချိန်တည်း ကျင်းပသွားမည် ဖြစ်
  • ယင်းနေ့ အထိမ်းအမှတ် Facebook profile ဘောင်ပုံစံ အသစ်တစ်ခုကိုလည်း တယ်လီနောက ဖန်တီးထား

ယခုနှစ်၏ အပြည်ပြည်ဆိုင်ရာ ကလေးသူငယ်များနေ့ အထိမ်းအမှတ်အဖြစ် တယ်လီနောသည် မြန်မာနိုင်ငံတွင် အကြီးမားဆုံးဖြစ်လာမည့် ‘ဘေးကင်းသော အင်တာနက်’ ဟောပြောပွဲများအား ၂၀၁၈ ခုနှစ်၊ နိုဝင်ဘာလ ၂၀ ရက်နေ့တွင် ကျင်းပပြုလုပ်သွားမည် ဖြစ်သည်။ ဟောပြောပွဲ တစ်ခု ချင်းစီသည် မိနစ် ၉၀ ခန့် ကြာမြင့်မည် ဖြစ်ပြီး အဆိုပါနေ့တွင် မြန်မာနိုင်ငံရှိ အစိုးရကျောင်းနှင့် အလင်းအိမ်စင်တာများ အပါအဝင် နေရာပေါင်း ၃၃ ခု၌ ဟောပြောပွဲများအား တစ်ချိန်တည်းတပြိုင်နက် ကျင်းပသွားမည် ဖြစ်သည်။ ဟောပြောပွဲများတွင် ပညာရေးနှင့်ပတ်သက်သည့် အင်တာနက်၏ အကျိုးကျေးဇူးများ၊ အွန်လိုင်းပေါ်တွင် လုံခြုံ စိတ်ချစွာ နေထိုင်နိုင်မည့်နည်းလမ်းများအား အဓိကထား ဆွေးနွေးသွားမည် ဖြစ်ပြီး ကလေးငယ်များ အင်တာနက်တွင် လုံခြုံစွာ နေထိုင်နိုင်စေမည့် အသိပညာများအား မီးမောင်းထိုး တင်ပြသွားမည် ဖြစ်သည်။

“ပြည်သူလူထုအတွက် အကျိုးရှိစေဖို့နဲ့ သူတို့ရဲ့ နေ့စဉ်ဘဝတွေ ပိုမိုမြင့်မားလာအောင် လုပ်ဆောင်ပေးနိုင်ဖို့ ရည်သန်ထားတာနဲ့အညီ တယ်လီနောမြန်မာအနေနဲ့ ကောင်းမွန်ပြီး အကျိုးရှိစေမယ့် လှုပ်ရှားမှုတိုင်းမှာ ပါဝင် လုပ်ဆောင်သွားဖို့ အမြဲတမ်းအသင့်ရှိနေပါတယ်။ ကလေးသူငယ်တွေဟာ အနာဂတ်ကမ္ဘာကို ထုဆစ်ပုံဖော်သွားမယ့် သူတွေ ဖြစ်တာနဲ့အညီ ကလေးငယ်တစ်ယောက်စီတိုင်းကို ဘေးအန္တရာယ်တွေ မကျရောက်စေအောင် ကာကွယ်ပေး ဖို့နဲ့ သူတို့ စိတ်ဝင်စားတဲ့ အရာတွေကို ရှာဖွေတွေ့ရှိလာနိုင်အောင် အားပေးကူညီဖို့ဟာ အရေးကြီးတဲ့ အချက်တစ်ခုပဲ ဖြစ်ပါတယ်။ အခုမကြာခင်မှာ ကျရောက်တော့မယ့် အပြည်ပြည်ဆိုင်ရာ ကလေးသူငယ်များနေ့မှာ တယ်လီနော အနေနဲ့ တစ်ကမ္ဘာလုံးနဲ့အတူ ရပ်တည်သွားမှာဖြစ်ပြီး အင်တာနက်ကို ဘေးကင်းလုံခြုံစွာနဲ့ အကျိုးရှိစွာ အသုံးပြုနိုင်စေ မယ့် အသိအမြင်၊ ဗဟုသုတတွေကို ကလေးငယ်တွေကို အသိပညာပေးသွားနိုင်ဖို့ရည်ရွယ်ပြီး ကျွန်တော်တို့ရဲ့ ‘ဘေးကင်းသော အင်တာနက်’ ဟောပြောပွဲတွေကို ရန်ကုန်တိုင်းဒေသကြီး၊ ကရင်ပြည်နယ်နဲ့ ရှမ်းပြည်နယ်တို့မှာ အသီးသီး ပြုလုပ်သွားမှာ ဖြစ်ပါတယ်” ဟု တယ်လီနော မြန်မာ၏ ရေရှည်တည်တံ့သော လုပ်ငန်းဆောင်ရွက်မှုဆိုင်ရာ ကဏ္ဍတာဝန်ခံ ဦးမင်းသူက ပြောကြားသည်။

နိုင်ငံတစ်ဝန်းရှိ လူငယ်များ အင်တာနက် အသုံးပြုရာတွင် ဘေးကင်းလုံခြုံမှုရှိစွာနှင့် တာဝန်သိစွာ အသုံးပြုတတ်စေရန် အသိပညာပေးလိုသည့် ရည်ရွယ်ချက်ဖြင့် တယ်လီနောမြန်မာသည် ၎င်း၏ ‘ဘေးကင်းသော အင်တာနက်’ အသိပညာပေး ဟောပြောပွဲများအား ၂၀၁၆ ခုနှစ်မှ စတင်ကျင်းပခဲ့သည်။ အဆိုပါ ဟောပြောပွဲများတွင် လူမှုရေးနှင့် စီးပွားရေးဆိုင်ရာ ရည်မှန်းချက်များကို အင်တာနက်မှတဆင့် အကောင်အထည်ဖော် လုပ်ဆောင်နိုင်စေရန်၊ အင်တာနက်ကို အသုံးပြုသည့်အခါတွင် တာဝန်သိသိနှင့် ဘေးကင်းစွာ အသုံးပြုတတ်စေရန် စိတ်ဝင်စားဖွယ် ကာတွန်းဗီဒီယိုများကို အသုံးပြု၍ အသိပညာပေးမှုများ ပြုလုပ်သွားမည့်အပြင် မိဘများအနေဖြင့် ကလေးငယ်များနှင့် အင်တာနက်အကြောင်း ဆွေးနွေးသည့်အခါတွင် အထောက်အကူဖြစ်စေမည့် နည်းလမ်းများကိုလည်း ဆွေးနွေး သွားမည် ဖြစ်သည်။

ကမ္ဘာတစ်ဝန်းမှ ကလေးငယ်များ၏ အရေးပါမှုများကို နိုင်ငံတကာမှ သိရှိလာနိုင်စေရန်နှင့် ၎င်းတို့၏ လိုအပ်ချက်များကို ပိုမို ဝိုင်းဝန်း ဖြည့်ဆည်းပေးလာနိုင်စေရန် ရည်ရွယ်၍ အပြည်ပြည်ဆိုင်ရာ ကလေးသူငယ်များနေ့အား ၁၉၅၄ ခုနှစ်မှ စတင်၍ နှစ်စဉ် နိုဝင်ဘာလ ၂၀ ရက်နေ့တိုင်းတွင် စီစဉ်ကျင်းပခဲ့ကြသည်။ ၁၉၉၀ ခုနှစ်မှစ၍ အပြည်ပြည်ဆိုင်ရာ ကလေးသူငယ်များနေ့သည် ကလေးသူငယ်အခွင့်အရေးများဆိုင်ရာ သဘောတူညီမှုစာချုပ်ကို ကုလသမဂ္ဂ အထွေထွေညီလာခံတွင် အတည်ပြု လတ်မှတ်ရေးထိုးကြေညာခဲ့သည့် နေ့တစ်နေ့အဖြစ်လည်း ရပ်တည်ခဲ့သည်။ နှစ်စဉ် အဆိုပါနေ့တွင် မိဘများ၊ ဆရာများ၊ သူနာပြုနှင့် ဆရာဝန်များ၊ အစိုးရခေါင်းဆောင်များ၊ အများပြည်သူဆိုင်ရာ တက်ကြွလှုပ်ရှားသူများ၊ အဖွဲ့အစည်းအသီးသီးမှ ဦးဆောင်သူများ၊ စီးပွားရေးလုပ်ငန်းရှင်များ၊ မီဒီယာကျွမ်းကျင်သူ များနှင့်အတူ လူငယ်လူရွယ်များနှင့် ကလေးသူငယ်များက အပြည်ပြည်ဆိုင်ရာ ကလေးသူငယ်များနေ့ အထိမ်းအမှတ် အဖြစ် ၎င်းတို့၏ သက်ဆိုင်ရာအဖွဲ့အစည်းများ၊ နိုင်ငံများအသီးသီးတွင် အစီအစဉ်များ၊ လှုပ်ရှားမှုများကို ကျင်းပပြုလုပ်သွားမည် ဖြစ်သည်။

ယခုနှစ်၏ အပြည်ပြည်ဆိုင်ရာ ကလေးသူငယ်များနေ့တွင် ကမ္ဘာတစ်ဝန်းမှ ပါဝင်လှုပ်ရှားသူများသည် အပြာရောင် ဝတ်စုံများ၊ အဆင်တန်ဆာများနှင့်အတူ ဆင်နွှဲကြမည်ဖြစ်ပြီး လူမှုကွန်ရက်မီဒီယာများတွင်လည်း အမှာစကားများအား မျှဝေသွားကြမည် ဖြစ်သည်။ ထို့အပြင် ၎င်းတို့သည် ကမ္ဘာအကြီးမားဆုံးသော စာသင်ကြားမှု အစီအစဉ်တွင်လည်း ပါဝင်သွားကြမည်ဖြစ်သည်။ အလားတူပင် အဖွဲ့အစည်းများ၊ ကုမ္ပဏီများသည်လည်း အပြည်ပြည်ဆိုင်ရာ ကလေး သူငယ်များနေ့ အထိမ်းအမှတ်အဖြစ် ၎င်းတို့၏ ဝက်ဘ်ဆိုက်များ၊ လူမှုကွန်ရက်စာမျက်နှာများအား အပြာရောင်သို့ ပြောင်းလဲတန်ဆာဆင်သွားကြမည်ဖြစ်သည်။ ယင်းနေ့အထိမ်းအမှတ်အဖြစ် တယ်လီနောမြန်မာကလည်း ကိုယ်ပိုင် Facebook Profile ဘောင်ပုံစံသစ်တစ်ခုအား ဖန်တီးပြုလုပ်ထားပြီး ဖြစ်သည့်အတွက် အပြည်ပြည်ဆိုင်ရာ ကလေး သူငယ်များနေ့အား အားပေးထောက်ခံလိုသူများသည် အဆိုပါ ဘောင်ပုံစံအသစ်အား ပြောင်းလဲအသုံးပြုသွားနိုင်ပြီ ဖြစ်သည်။

တယ်လီနောမြန်မာသည် မြန်မာနိုင်ငံ၏ ဒစ်ဂျစ်တယ်အနာဂတ်သို့ လျှောက်လှမ်းရမည့်လမ်းစဉ်တွင် လိုအပ်သော အခြေခံအုတ်မြစ်များအား တည်ဆောက်နိုင်စေရေး အထောက်အကူပြုမည့် စီမံကိန်းများကို ၎င်း၏ လူမှုအကျိုးပြု စီမံကိန်းများ၏ တစ်စိတ်တစ်ပိုင်းအဖြစ် ပြုလုပ်လျက်ရှိသည်။ ၎င်း၏ အလင်းအိမ် ဒစ်ဂျစ်တယ်နည်းပညာ ဖွံ့ဖြိုးရေးစင်တာများသည် လက်ရှိ တွင် ကျောင်းသားကျောင်းသူပေါင်း ၁၃၀,၀၀၀ ကျော်အား စမတ်ဖုန်းနှင့် ကွန်ပျူတာကျွမ်းကျင်မှုသင်တန်းများ သင်ကြားပေး ခဲ့ပြီး ဖြစ်သည်။ ထို့အပြင် တယ်လီနော၏ ‘ဘေးကင်းသော အင်တာနက်’ အစီအစဉ်များမှတဆင့် အင်တာနက်အား အကျိုးရှိစွာနှင့် ဘေးကင်းစွာ မည်သို့ အသုံးပြုရမည်ဆိုသည့် အချက်များကို အစိုးရ ကျောင်းသားကျောင်းသူပေါင်း ၂၂၂,၀၀၀ ကျော်အား သင်ကြားပေးခဲ့ပြီး ဖြစ်သည်။

ထို့အပြင် တယ်လီနောသည် မကြာသေးမီကလည်း နွေရာသီကျောင်းပိတ်ရက် ၃ လတာ ကာလအတွင်း ဒစ်ဂျစ်တယ် နည်းပညာသင်တန်း အပတ်စဉ် ၄ ခုအား အောင်မြင်စွာ ဖွင့်လှစ်သင်ကြားပေးနိုင်ခဲ့ပြီး ဒစ်ဂျစ်တယ် နည်းပညာများ နှင့်အတူ အင်တာနက်အား ဘေးကင်းစွာ အသုံးပြုနိုင်မည့် အချက်များကို နိုင်ငံတစ်ဝန်းရှိ ကျောင်းသားကျောင်းသူ ပေါင်း ၂၅,၀၀၀ ကျော်အား သင်ကြားပေးနိုင်ခဲ့သည်။ ထို့အပြင် Myanmar Metropolitan College နှင့် ပူးပေါင်း၍ မဟာဗျူဟာမြောက် အိုင်စီတီ စီမံခန့်ခွဲမှုဆိုင်ရာ စီးပွားရေး စီမံခန့်ခွဲမှု မဟာဘွဲ့ (MBA) အတွက် ကျောင်းသား ကျောင်းသူ စုစုပေါင်း ၂၀ ဦးအား ၄ နှစ်ကျော် ကြာ ပညာသင်ဆုများ ပေးအပ်သွားမည့် အစီအစဉ်တစ်ရပ်ကိုလည်း မကြာမီက စတင်လုပ်ဆောင်ခဲ့သည်။

No Lighthouse Name Address
1 lighthouseohnchaw Mandalay Division, Pathein Gyi Tsp, Ohn Chaw ward
2 lighthousekyankhin No.114, Thiet Pan Road, Kyankhinn Township, Ayeyarwaddy Region.
3 lighthouseminbu No 1, Minbu-Sagu Road, No 3 Quarter, Minbu Township, Magway.
4 lighthouseyesagyo Corner of Bo Gyoke Road and Myo Pat Road, Yesagyo
5 lighthouseMyingyan No 7, Room 2, Bogyoke Street, Myin Gyan, Mandalay
6 lighthouseBago No 340, Junction Ba Htoo, Oakthar Myothit, Bago.
7 lighthouseKalay Bogyoke Street, Taung Za Lat Qtr, Ka Lay Tsp, Sagaing Division
8 lighthouseMatupi Bogyoke Street, East Kho Bway Qtr, Matupi, Chin.
9 lighthousePyinoolwin No 105/B, PaDauk Street, YaKaKa 6, Pyin Oo Lwin.
10 lighthouseMyitkyina No. 458, quarter 7, Golf club, DukaTaung Ward, Myintkyina
11 lighthouseKyunhla No 1245, Bogyoke Aung San Street, Padauk Myaing Qtr, Kyun Hla Tsp, Sagaing Division
12 lighthouseKanpetlet Myoma(2), Kanpetlet, Chin State
13 lighthousewetlet kawtaw village,wetlet township,Shwebo district
14 lighthousebilin No 36, Kan Tar Yar 7 Qtr, Myo Pat Street, Belin, Mon State
15 lighthousetharzi MCC Thazi, No 5 Qtr, Thazi Market Building, Thazi, Mandalay
16 lighthousepaukhaung 1/50,Pyay-TaungNgu Rd,No 1 Qtr,Pauk Khung
17 lighthouselunglone No.8,Thirimingalar Rd,Laung Lone,Dawai division
18 lighthouseyamethin 135, Mingalar Kyone Street, Yamethin
19 lighthousezinkyike No(31) 7 Qtr, Main Road, Zinkyaik
20 lighthousemehtila Kan Yeik Tar Street, North (64), Lin Zin Qtr, Meikhtila, Mandalay Division.
21 lighthousepyay No.1754, Wer Yone St., Tayote Su Quarter, Pyay(N.C.C Traning
22 lighthousetatkone No 646, Lanmadaw Street, Nay Pyi Taw, Tat Kone.
23 lighthousepyawbwe Myo Ma Qtr, PBE, Pyaw Bwe.
24 lighthousetaungtha infront of Tharthana Bait Man, Lanmadaw road, Taung Tha
25 lighthousemyittha Loat Arr Kyay Mone Hall, Bogyok Road, Myittha
26 lighthousePhyu No 109, 36th Street,(Shan Path), Oak Phyat Qtr, Phyu.
27 lighthouseTaze coner of Bayin naung road and Yinmar road, Myitta Myaing Quarter, Taze
28 lighthousetwaytay No(26) Shwe San Taw, Shwe San Taw Ward, Twantay Township
29 lighthouseyintaw Pyaw Bwe, Yin Taw Myo Ma.
30  lighthousesintgaing Tayoke su Qtr, yangon- mandalay highway road sinkaing Tsp
31 lighthousekyaukse IBCT Kyauk Se, Near GTC, Ye Su Qtr, Kyauk Se, Mandalay Division.
32 lighthousethaton No(281) Zay Gyi Sreet,Thaton
33 lighthousepwint phyu No. 161, Myo Pat Lann, Ashae Pine Ward, Pwint Phyu
34 lighthousedemoso Tha/20, Aung Tha Pyay Qtr, Ngwetaung Village,Demoso TS,Kayar State
35 lighthousetamu Zay Tan (7), MaHuyar Street, Zewaka Street, Tamu, Sagaing Division.
36 lighthousehlaing thar yar 1245(ka),Nawaiday, Hlaingtharyar
37 lighthousema u pin No 369 - B 5, 7 ward, Yaelae road, Maubin Tsp, Ayyerwaddy Division
38 lighthousemyeik No.40,Baho Rd,Myint Nge Qt,Myeik
39 lighthousenat mauk No.187,Taungdwin Rd,Zay Qtr,Natmauk
40 lighthousemohnyin No 2, 145 Nar Khar, North Qtr, near the white elephant image, Moe Nyin
41 lighthouserathedaung Yan Aung Pyin Village, Rathadaung Tsp, Rakhine State
42 lighthouseponnagyun Kyaung Tat Street, beside the Myo Ma Monastery, Yangon-Sittway High way Road, Ponnagyun, Yakhine State.
43 lighthousehlaingkar No.83,Hlaing Kar Village,Kawtheinsu Group,Naung Lone,Ei Du.Kayin State
44 lighthousemin tat mindat-matupi road, Sanpya mindat

မီဒီယာများ ဆက်သွယ်ရန်

ရွှေယင်းမာဦး
ကော်ပရိတ်ရေးရာ ဆက်သွယ်ပြန်ကြားရေး ဌာန
shweyinn.maroo@telenor.com.mm
တယ်လီနောမြန်မာ

Yangon
My Telenor