စည်းမျဉ်းစည်းကမ်းများ

Prepaid

၁။ အဓိပ္ပာယ်ဖွင့်ဆိုချက်များ

ကျွန်ုပ်တို့ ၊ ကျွန်ုပ်တို့ကို ၊ ကျွန်ုပ်တို့၏ - ဟုအသုံးအနှုန်းဖြင့် တယ်လီနောမြန်မာလီမိတက်ကို ရည်ညွှန်း ကိုယ်စားပြုသည်။ သင်၊ သင်၏- ဟုအသုံးအနှုန်းဖြင့် သုံးစွဲသူကို ရည်ညွှန်း ကိုယ်စားပြုပါသည်။

သဘောတူညီချက်- ဤစည်းမျဉ်းစည်းကမ်း ပြဌာန်းချက်များ၊ သင်၏ ဈေးနှုန်းပုံစံနှင့် ဈေးနှုန်းပုံစံလမ်းညွန်ချက်။

သုံးစွဲခများ - ဝန်ဆောင်မှုအတွက် သုံးစွဲခများ၊ ကျွန်ုပ်တို့အများ သိစေရန် ဖြန့်ချိထားသော ဈေးနှုန်းပုံစံ (သို့မဟုတ်) ၄င်းကဲ့သို့ စီမံဆောင်ရွက် ထားသောသုံးစွဲခများ၊ ၄င်းတွင် ကျွန်ုပ်တို့မှ သင့်အား ပေးအပ်သော ဝန်ဆောင်မှုအတွက် သုံးစွဲခများ၊ အခြားသုံးစွဲမှုဝန်ဆောင်ခများ (သို့မဟုတ်) တစ်စုံတစ်ယောက်မှ သင်၏ ဖုန်းနှင့် ၄င်း၏ အသုံးအဆောင်များကို အသုံးပြုခြင်း အတွက် ကျသင့်ငွေများ။

ဖုန်းနှင့် ၄င်း၏အသုံးအဆောင်များ- ဝန်ဆောင်မှုကို ရရှိအသုံးပြုရန် သင်၏မိုဘိုင်းဖုန်း (သို့မဟုတ်) အခြားအသုံးအဆောင်များနှင့် ပစ္စည်းကိရိယာများနှင့် ဆင်း(မ်) ကတ်။ ကွန်ရက် - မြန်မာပြည်တွင် ကျွန်ုပ်တို့ ဝန်ဆောင်မှုပေးအပ်ရန် စီမံဆောင်ရွက်ထားသော အီလက်ထရွန်းနစ် ဆက်သွယ်ရေးစနစ် ဈေးနှုန်းပုံစံ - ကျွန်ုပ်တို့ မကြာခဏ ပြုပြင်မွမ်းမံထားသော၊ သင်လက်ခံရရှိရန် ရွေးချယ်ထားသည့် အစုလိုက် ဝန်ဆောင်မှုများ အတွက် ကျွန်ုပ်တို့မှ မကြာခဏပြုပြင်မွ မ်းမံခြင်းရှိသော အချက်အလက်များ ကို သုံးစွဲသူဆိုင်ရာများကို ရှင်းလင်းပြန်ကြားပေးရန်ဌာန (Customer Care Center ) (၉၇၉) (သို့မဟုတ်) ၉၇၉၀ဝ၉၇၉၀ဝ သို့ခေါ်ဆို၍ မေးမြန်းနိုင်ပါသည် (သို့မဟုတ်) ဝက်ဘ်ဆိုဒ်ကို ဝင်ရောက်ကြည့်ရှုခြင်းဖြင့် သိနိုင်ပါသည်။

ဈေးနှုန်း ပုံစံလမ်းညွှန်ချက် - သင်တို့သုံးစွဲ မည့်ဝန်ဆောင်မှုများ အတွက် ဈေးနှုန်းများကို ဖော်ပြထားသည့် ဈေးနှုန်းပုံစံကို သုံးစွဲသူဆိုင်ရာ ရှင်းလင်းပြန်ကြားဌာန(Customer Care Center) (၉၇၉) (သို့မဟုတ်) ၉၇၉၀ဝ၉၇၉၀ဝ သို့ခေါ်၍စုံစမ်းခြင်းဖြင့် (သို့မဟုတ်) ကျွန်ုပ်တို့၏ ဝက်ဘ်ဆိုဒ်ကို ဝင်ရောက်ကြည့်ရှုခြင်းဖြင့် သင်တို့ လျှောက်ထားသော ဈေးနှုန်း ပုံစံသတ်မှတ်ချက်များနှင့် သုံးစွဲခများကို သိရှိနိုင်ပါသည်။ ယင်းတို့ကို မကြာခဏ မွမ်းမံပြင်ဆင်ခြင်းရှိပါမည်။

ဝန်ဆောင်မှုများ- ကွန်ရက်မှ သင်လက်ခံရရှိသော ဆက်သွယ်ရေး ဝန်ဆောင်မှုများနှင့် သင့်ထံသို့ အချိန်နှင့်တပြေးညီရရှိနိုင်မည့် အခြားဝန်ဆောင်မှုများ။

 

၂။Prepaid SIM Lifecycle

တယ်လီနောဖုန်းလိုင်းကို အမြဲအသုံးပြုနေနိုင်ရန် ပုံမှန်ငွေဖြည့်ဖို့ တိုက်တွန်းပါရစေ။ ငွေဖြည့်ပြီးသည် နှင့်ငွေဖြည့်ရက်မှ၃၆၅ရက်သက်တမ်းရရှိမည်ဖြစ်သည်။

သင်၏ဆင်းကတ်စတင်အသက်ဝင်ချိန်မှ ၆၀ ရက်အတွင်းငွေမဖြည့်ပါက ၆၁ရက်မြောက်နေ့မှ စတင်၍ သင့်ဆင်းကတ်ယာယီပိတ်ခံရမည်။ အလားတူပင် နောက်ဆုံးငွေဖြည့်ခဲ့ပြီးသည့်ရက်မှ ၃၆၅ရက်အတွင်း ငွေမဖြည့်ခဲ့လျှင် ၃၆၆ရက်မြောက်နေ့တွင် သင့်ဆင်းကတ်ယာယီပိတ်ခံရမည်။ ယာယီပိတ်ခံချိန်တွင် အဝင်ဖုန်း၊ SMS လက်ခံရရှိနိုင်ပြီးအထွက်ခေါ်ဆိုခြင်း/ SMSပို့ခြင်း/ အင်တာနက်အစရှိသည်တို့အသုံးပြုနိုင်မည် မဟုတ်ပါ။ ငွေဖြည့်ခြင်းဖြင့်သင့်အကောင့်ကိုအသက်ပြန်သွင်းရယူနိုင်သည်။

Disable State ဖြစ်ပြီးနောက် ရက်ပေါင်း၉၀အတွင်း ငွေမဖြည့်ခဲ့လျှင် လုံးဝငွေဖြည့်လို့မရတော့သော Pool State သို့ရောက်ရှိသွားမည်ဖြစ်သည်။

Pool State သို့ ရောက်ရှိပြီးဖြစ်သော နံပါတ်တိုင်းသည် recycle မပြုလုပ်ခင် ရက်ပေါင်း၃၀ကြာ အသုံးပြု၍မရသည့်အခြေနေတွင်ရှိနေမည်ဖြစ်သည်။

ထို့ကြောင့် တယ်လီနောဖုန်းလိုင်းကို အမြဲအသုံးပြုနေနိုင်ရန် ပုံမှန်ငွေဖြည့်ဖို့ တိုက်တွန်းပါရစေ။

ပို့ဆောင်ရေးနှင့်ဆက်သွယ်ရေးဝန်ကြီးဌာန၏ ဥပဒေ အခန်း၁၅ (က)၉ အရ နံပါတ်အပိတ်မခံရစေရန် အသုံးပြုသူမှ ရက်ပေါင်း၁၈၀အတွင်းအသုံးပြု၍ရသည့်အခြေအနေဖြစ်ရန်ဆောင်ရွက်ရမည်။ မပြုလုပ်ခဲ့လျှင် အသုံးပြုသူအသစ်ထံသို့ ယင်းနံပါတ်အား ပြန်လည်ရောင်းချနိုင်သည်။

၃။ ဝန်ဆောင်မှုများ နှင့် လွှမ်းခြုံဧရိယာ

၂။(က) သင်သည် အောက်ပါအချိန်အခါတွင် ယခုသဘောတူညီချက်များကို လက်ခံပါသည်။

- ဝန်ဆောင်မှုများကို အသုံးပြုသောအခါ

၂။(ခ) ကျွန်ုပ်တို့သည် ဝန်ဆောင်မှုများကို အချိန်ပြည့်ပေးအပ်နိုင်ရန် ရည်မှန်းပါသည်။ သို့ပါသော်လည်း ဖုန်းဝန်ဆောင်မှုနည်းပညာ ချွတ်ယွင်းနိုင်သည့် သဘောသဘာဝကြောင့် အမှားကင်းသော ဝန်ဆောင်မှုပေးရန် မဖြစ်နိုင်ပါ။

၂။(ဂ) ကျွန်ုပ်တို့သည် အခြားတိုင်းပြည်များနှင့် ကွန်ယက်ချိတ်ဆက်မှုများကို ကျိုးကြောင်းညီညွတ်သော အားထုတ်မှုများဖြင့် အသုံးပြုသွားပါမည်။၄င်းကို "Roaming" ဟုခေါ်တွင်စေသည်။ ၄င်းကွန်ယက်များကို ရယူသုံးစွဲနိုင်ရန်မှာ ကျွန်ုပ်တို့နှင့် အခြားတိုင်းပြည်များရှိဆက်သွယ်ရေး ကုမ္ပဏီများ၏ စီစဉ်ဆောင်ရွက်မှုအပေါ်တွင်သာ မူတည်ပါသည်။

 

၄။ ဝန်ဆောင်မှုများကို အသုံးပြုခြင်း

၃။(က) သင်သုံးစွဲသော ဝန်ဆောင်မှုများ၏ ညွှန်ကြားချက်များနှင့် ယခု သဘောတူညီချက်ကို သင်လိုက်နာရမည်။ သင်၏ဖုန်းနှင့် ၄င်း၏ အသုံးအဆောင်များကို အခြားသူအသုံးပြုခြင်းအတွက် သင့်တွင် တာဝန်ရှိပါသည်။

၃။(ခ) သင်၏ဖုန်းနှင့် ၄င်း၏အသုံးအဆောင်များ (သို့မဟုတ်) ဝန်ဆောင်မှုကို အလွဲသုံးစားပြုခြင်း၊ တရားဥပဒေနှင့် ဆန့်ကျင်သော ကိစ္စ အတွက် အသုံးပြုခြင်း၊ မမှန်မကန်သုံးစွဲခြင်း၊ အနှောင့်အယှက်ပေးခြင်း (သို့မဟုတ်) ရာဇဝတ်မှုတစ်ခုခု ကျူးလွန်ခြင်း ဟု ကျွန်ုပ်တို့မှ ယုံကြည်သော မည်သို့သော ရည်ရွယ်ချက်များ အတွက်မဆို သုံးစွဲခြင်းမပြုရပါ။

၃။(ဂ) ဝန်ဆောင်မှုတစ်ခုလုံး(သို့မဟုတ်) မည်သည့်အစိတ်အပိုင်းကိုဖြစ်စေ သင့်အနေဖြင့် အခြားမည်သူ့ကို မဆို ရောင်းချခြင်းမပြုရပါ။

၃။(ဃ) မည်သည့်နံပါတ်ကို အသုံးပြုရန်သတ်မှတ်ပေးရန်မှာ ကျွန်ုပ်တို့ ၏လုပ်ပိုင်ခွင့်ဖြစ်သည်။သုံးစွဲသူအား သတ်မှတ်ပေးထားသည့် နံပါတ်ကို အချိန်မရွေးပြောင်းလဲနိုင်သည်။ အခြေအနေတစ်စုံတစ်ရာ ပေါ်ပေါက်ပါက သုံးစွဲသူအား အကြောင်းကြားအသိပေးပါမည်။

၃။(င) ဆင်း(မ်)ကတ်နှင့် ၄င်းအတွင်းပါဆော့ဖ်ဝဲကို သုံးစွဲသူမှ မပိုင်ဆိုင်ပါ။ သုံးစွဲသူအား ဝန်ဆောင်မှု တစ်ခုတည်းသာ သုံးစွဲခွင့်ပေးထားပါသည်။ သဘောတူညီချက်ကာလ ကုန်ဆုံးသောအခါ သုံးစွဲသူ၏ ဆင်း(မ်)ကတ်အား ပြောင်းလဲခြင်းနှင့် ပြန်လည်အပ်နှံရန် အကြောင်းကြားခြင်း ပြုလုပ်နိုင်ပါသည်။ ဆင်း(မ်)ကတ် အစားထိုးဝန်ဆောင်မှု သုံးစွဲလိုလျှင်သုံးစွဲသူအား သတ်မှတ်ထားသည့် ဈေးနှုန်း သတ်မှတ်ချက်နှင့် ကိုက်ညီသည့် အဖိုးအခသာ ကောက်ယူပါမည်။

၃။(စ) သင့်အနေဖြင့် အင်တာနက်ချိတ် ဆက်အသုံးပြုနိုင်သော်လည်း မည်သည့်ပါဝင်သည်ကို အကြောင်းအရာများအတွက် မဆိုနှင့် ဝန်ဆောင်မှုဆိုင်ရာ တစ်စုံတစ်ရာအတွက် မဆို တာဝန်ကျရောက်ခြင်းမရှိပါ။

၃။(ဆ) သင့်အနေဖြင့် တရားဝင်ခွင့်ပြုထားသော မိုဘိုင်းဆိုင်ရာ ပစ္စည်းများဖြင့်သာလျှင် ဆက်သွယ်မှု ကွန်ရက်သို့ ချိတ်ဆက်အသုံးပြုရမည်။

၃။(ဇ) သုံးစွဲသူအားပေးထားသော ဝန်ဆောင်မှုကို ကျွန်ုပ်တို့ မှ ငြင်းပယ်ရန် ဆုံးဖြတ်ပိုင်ခွင်ရှိသည်။

 

၅။ ငွေပေးချေမှု

၄။(က) သင်ငွေဖြည့်သောအခါ သင့်လျော်သော ဝန်ဆောင် မှုဆိုင်ရာ စည်းမျဉ်းစည်းကမ်း အရ (သို့မဟုတ်) သတ်မှတ်ထားသော ဈေးနှုန်း သတ်မှတ်ချက် ပုံစံအရ ကျွန်ုပ်တို့ မှ သင်၏အကောင့်အားငွေဖြင့်ပေးပါမည်။

၄။(ခ) ဝန်ဆောင်မှုအတွက် ကျွန်ုပ်တို့၏ ငွေဖြည့်ကဒ်အကောင့်ကို အသုံးပြုခြင်းဖြင့်ပေးနိုင်ပါသည်။ ငွေဖြည့်ကဒ် အကောင့်များဝယ်ယူခြင်းဖြင့် အသုံးပြုနိုင်ပါသည်။ သင်ငွေဖြည့်ထားသော ပမာဏအားပြန်လည်၍ ပေးမည်မဟုတ်ပါ( သို့မဟုတ်) သုံးစွဲသူတွင်ရှိသော ငွေပမာဏအား အတိုးပေးမှုကို ပြုလုပ်မည် မဟုတ်ပါ။သုံးစွဲသူ အသုံးပြုသော ဝန်ဆောင်မှုတိုင်း (အခြားသူတစ်ဦးဦးမှ သင်၏မိုဘိုင်းပစ္စည်းသုံးလျှင်လည်း)သင်၏ အကောင့်ပမာဏထဲမှ ဖြတ်တောက်သွားပါမည်။ ကျွန်ုပ်တို့၏ မှတ်တမ်းမှ သုံးစွဲသူ ငွေပမာဏမည်မျှ ထည့်သွင်းထားသည်နှင့် ဝန်ဆောင်မှုအတွက် မည်မျှ အသုံးပြုသည်ကို မှတ်တမ်းတင်ထားပါသည်။

၄။(ဂ) အကယ်၍ ကုန်သွယ်လုပ်ငန်းခွန်ကျရောက်လာပါက ကျွန်ုပ်တို့သင့်ကို စည်းကြပ်ကောက်ခံပါမည်။ အကယ်၍ သင့်အနေဖြင့် ကျွန်ုပ်တို့အပေါ်တွင် ပေးဆပ်ရန်ကြွေးမြီတစ်စုံတစ်ရာရှိ၍ ယင်းကို သတ်မှတ်ချိန်အတွင်း မပေးနိုင်ပါက သင်ပေးရမည့် ငွေပမာဏကို သင့်ငွေဖြည့်အကောင့်မှ (သို့မဟုတ်) သင်ကျွန်ုပ်တို့အားပို့ထားခဲ့သော သင်၏ debit ကတ်(သို့မဟုတ်) credit ကတ်၏ အချက်အလက် အသေးစိပ်အချက်အလက်များကို အသုံးပြု၍ ကောက်ခံနှုတ်ယူနိုင်ပါသည်။ သင်မပေးရသေးသော ငွေပမာဏပေါ်တွင် ကျွန်ုပ်တို့ အတိုးနှုန်း ကောက်ခံနိုင်ပါသည်။ နေ့စဉ်အတိုးနှုန်းအနေဖြင့် မြန်မာနိုင်ငံဗဟိုဘဏ်က ကောက်ခံသည့် အခြေခံချေးငွေနှုန်းထားထက် ၄ရာခိုင်နှုန်း ကျော်လွန်ကောက်ခံပါမည်။

 

၆။ မိုဘိုင်း ပစ္စည်း ပျောက်ဆုံးခြင်း

အကယ်၍ သင်၏ မိုဘိုင်း ပစ္စည်း ခိုးယူခံရခြင်း၊ ပျက်စီးခြင်း ၊ ဖျက်ဆီးခံရခြင်း နှင့် ပျောက်ဆုံးခြင်းဖြစ်လျှင် မည်သည့် ဝန်ဆောင်မှုမဆို သင်မှ ကြိုတင် ပေးချေထားခဲ့သော မည်သည့် ပေးချေခြင်းများ အတွက်မဆို ကျွန်ုပ်တို့မှ သင့်အား ပြန်လည် ငွေပြန်အမ်းခြင်းပြုလုပ်ရန် မလိုအပ်ပါ (သို့မဟုတ်) ပြန်လည်ပေးအပ်မည်မဟုတ်ပါ။ သင်၏ မိုဘိုင်းဖုန်းမှ တဆင့် ဆက်လက် ခေါ်ဆိုမှု ပြုလုပ်ခြင်းမှ တားမြစ်နိုင်ရန် သင့်အနေဖြင့် ကျွန်ုပ်တို့အား ချက်ချင်း အကြောင်းကြားရပါမည်။

 

၇။ ခေတ္တဆိုင်းငံ့ခြင်း ၊ ရပ်ဆိုင်းခြင်းနှင့် အဆုံးသတ်ခြင်း

၆။(က) အောက်ပါ အခြေအနေများတွင် ကျွန်ုပ်တို့ သည် ဝန်ဆောင်မှုများအား ဆိုင်းငံ့ခြင်း၊ ကန့်သတ်တားမြစ်ခြင်း (သို့မဟုတ်) ပေးအပ်ခြင်း ကို ရပ်ဆိုင်းခြင်း (ယင်းတို့အားလုံး (သို့မဟုတ်) ယင်းတို့၏ တစ်စိတ်တစ်ပိုင်းကို )ပြုလုပ်နိုင်ပါသည်။

  • (၁) မိုဘိုင်းဆိုင်ရာ ပစ္စည်းနှင့် ဝန်ဆောင်မှုများကို သုံးစွဲလျှင် ဤသဘောတူညီချက်အရ ကျွန်ုပ်တို့ ခွင့်မပြုသည့် နည်းလမ်းများဖြင့် သုံးစွဲနေသည်ဟု ကျွန်ုပ်တို့က ယုံကြည်လျှင်
  • (၂) ဝန်ဆောင်မှုဆိုင်ရာများနှင့် စပ်လျဉ်းသော (သို့မဟုတ်) သင့်မိုဘိုင်းဆိုင်ရာပစ္စည်းများနှင့် စပ်လျဉ်းသော ကိစ္စများအတွက် နံပါတ်များ (သို့မဟုတ်) စကားဖွက်များကို သုံးစွဲခွင့်နှင့် စပ်လျဉ်း၍ အခွင့်မရှိသော တရားဥပဒေနှင့် မညီညွတ်သော ၊ မမှန်ကန်သော (သို့မဟုတ်) အတုအပ ပြုလုပ်၍ သုံစွဲသည်ဟု အကယ်၍ ကျွန်ုပ်တို့ အနေဖြင့် ယုံကြည်လျှင်
  • (၃) သင့်အနေဖြင့် ရက်ပေါင်း ၁၈၀ အတွင်း ဝန်ဆောင်မှုကို သုံးစွဲခြင်း မပြုခဲ့ပါက၊ ဤ ဝန်ဆောင်မှုကို အသုံးပြုခြင်းဆိုသည်မှာ နှုန်းထားကောက်ခံနိုင်သော ပြင်ပသို့ခေါ်ဆိုခြင်း (သုံးစွဲသူဆိုင်ရာရှင်းလင်း ပြန်ကြားပေးသော ဌာန သို့ ခေါ်ဆိုမှု မပါဝင်ပါ) (သို့မဟုတ်) သင့်အကောင့်အားပြန်လည် ငွေဖြည့်တင်းမှုကို ဆိုလိုပါသည်။
  • (၄) သင်၏မိုဘိုင်းဖုန်းအား ပျောက်ဆုံး (သို့မဟုတ်) ခိုးယူခြင်းခံရခြင်းရှိသော်
  • (၅) သင်၏လုပ်ဆောင်ချက် တစ်စုံတစ်ရာကြောင့် ကျွန်ုပ်တို့ ၏ လုပ်ငန်းလည်ပတ်မှု (သို့မဟုတ်) ကွန်ယက်အားပျက်ဆီး (သို့မဟုတ်) ထိခိုက်နိုင်ကြောင်းယူဆရသော်
  • (၆)ကျွန်ုပ်တို့ အနေဖြင့် သင့်အား ဝန်ဆောင်မှုပေးအပ်ရန် အမြဲတမ်း မတတ်စွမ်းတော့လျှင်
  • (၇) အရေးပေါ် (သို့မဟုတ်) အာဏာပိုင်များက လိုအပ်ချက်အရ ကျွန်ုပ်တို့လိုက်နာစေ၍ (သို့မဟုတ်) ဥပဒေအရ (သို့မဟုတ်) နည်းဥပဒေတစ်ရပ် ပေါ်ပေါက်၍ ကျွန်ုပ်တို့ အနေဖြင့် ထိုသို့ လိုက်နာရန် လိုအပ်ခဲ့လျှင်

၆။(ခ) အပိုဒ် ၆(က)(၃) တွင်ပါရှိသည့် အချက်များမှ တစ်ချက်ချက်နှင့် ငြိစွန်းနေပါက သင်အသုံးပြုသော ဆင်းကတ်အား ရက်(၉၀)ကြာ ရပ်ဆိုင်းနိုင်ပါသည်။ ရပ်ဆိုင်းထားသော ရက် (၉၀) အတွင်း ငွေဖြည့်ပါက ဝန်ဆောင်မှုများနှင့် ယခင်လက်ကျန်ငွေများအား ပြန်လည်ရရှိမည်။ အကယ်၍ ဤသဘောတူညီချက်အား သင် မလိုက်နာပါက ဝန်ဆောင်မှုကို ကျွန်ုပ်တို့မှ ဖြတ်တောက်မည် ထိုအခါ သင့်အကောင့်ထဲရှိ လက်ကျန်ငွေများ လည်း ဆုံးရှုံးပါမည်။ ဝန်ဆောင်မှု ရပ်ဆိုင်းထားသည့်နေ့ရက်မှစ၍ ရက်ပေါင်း (၉၀) အတွင်း ငွေမဖြည့်ပါက သင်၏အကောင့်ထဲရှိ လက်ကျန် ငွေများသာမကသင်၏ ဖုန်းနံပါတ်ပါ ဆုံးရှုံးသွားပါမည်။

၆။(ဂ) ကျွန်ုပ်တို့မှ ဝန်ဆောင်မှုအား ဆိုင်းငံ့ခြင်း၊ ရပ်တန့်ခြင်း၊ ရပ်ဆိုင်းခြင်း ပြုလုပ်မည်ဆိုလျှင် အသိပေးရန် ကြိုးစားပါမည်။ သို့သော် ထိုကဲ့သို့ ပြုလုပ်ရန်လိုအပ်ချက်တစ်ခုမဟုတ်ပါ။

 

၈။ ကွဲပြားခြားနားချက်များ

၇။(က) ကျွန်ုပ်တို့ အနေဖြင့် ကောက်ခံရမည့် နှုန်းထားများ ကို ပြင်ဆင်၊ အသစ်ပြောင်းလဲ နိုင်ပါသည်။ ၄င်း ပြင်ဆင်/ ပြောင်းလဲမှုများ မစတင်မီ ဆီလျော်သော နည်းလမ်းဖြင့် (ဥပမာ ၊ ဝန်ဆောင်မှုများမှ တဆင့် သတင်းများပေးပို့၍) ရက် ၃၀ (သုံးဆယ်) ကြိုတင် အကြောင်းကြားပါမည်။ သို့သော် ပြင်ဆင်/ပြောင်းလဲခြင်းသည် အကျိုးစီးပွားအရ သင့်အပေါ်တွင် ထိခိုက်ခြင်းမရှိနိုင်ဟု ယုံကြည်ပါက ကျွန်ုပ်တို့ အနေဖြင့် အကြောင်းကြားခြင်းမရှိဘဲ ဝန်ဆောင်မှု စတင်နိုင်ပါသည်။

၇။(ခ) ကျွန်ုပ်တို့ အနေဖြင့် ဝန်ဆောင်မှုကို အချိန်မရွေးပြင်ဆင် / ရုပ်သိမ်းခွင့် နှင့် ဤ သဘောတူညီချက်ပါ အချက်အလက်များအား အချိန်မရွေး ပြောင်းလဲ / ပြင်ဆင်မှု ရှိပါသည်။ ၄င်းပြင်ဆင် / ပြောင်းလဲမှုများကို ကျွန်ုပ်တို့မှ သင့်တော်သည်ဟု ယူဆသော နည်းလမ်းများဖြင့် အသေးစိပ် ထုတ်ပြန်ပေး၍ ထိုသို့ထုတ်ပြန်သည့်အချိန်မှစ၍ သက်ဝင်မှုရှိမည်။ ဥပမာ-ဝန်ဆောင်မှုများမှ တဆင့် သတင်းပေးပို့၍ အသိပေးခြင်း

၇။(ဂ) ထို့သို ပြောင်းလဲ/ပြင်ဆင်မှုများကြေငြာပြီး နောက် ဝန်ဆောင်မှုများကို ဆက်လက်သုံးစွဲသူများအားလုံးကို သဘောတူသည်ဟု မှတ်ယူပါမည်။ သို့မဟုတ်ပါက ငွေထပ်မံဖြည့်သွင်းခြင်း မပြုဘဲ ဝန်ဆောင်မှုကို ရပ်ဆိုင်းနိုင်ပါသည်။

 

၉။ ဥပဒေအရ တာဝန်ကျရောက်မှုနှင့် ခြွင်းချက်ပြုခြင်းများ

၈။(က) ကျွန်ုပ်တို့ ၏ ပေါ့ဆ မှုကြောင့် သင့်အားထိခိုက်ဒဏ်ရာ (သို့မဟုတ်) သေကြေပျက်စီးမှုများအတွက် အပြည့်အဝတာဝန်ယူပါသည်။သို့သော် အောက်ပါအချက်အလက်များအတွက် တာဝန်ယူမည် မဟုတ်ပါ။

ဝင်ငွေ (သို့မဟုတ်) အမြတ်အစွန်းဆုံးရှုံးခြင်း

ဝန်ဆောင်မှုသုံးစွဲခွင့် ဆုံးရှုံးခြင်း

လုပ်ငန်း (သို့မဟုတ်) အခွင့်အရေး ဆုံးရှုံးခြင်း

ကျွန်ုပ်တို့နှင့် တိုက်ရိုက်သက်ဆိုင်မှု မရှိသော (သို့မဟုတ်) ဤသဘောတူညီချက်ပြုလုပ်ချိန်တွင် မျှော်မှန်းနိုင်ခြင်းမရှိသော အခြားဆုံးရှုံး ပျက်ဆီးမှုများ၊ ကျွန်ုပ်တို့ ထိန်းချုပ်မှု၏ ပြင်ပမှ အကြောင်းတစ်စုံတစ်ရာကြောင့် ဝန်ဆောင်မှု မပေးနိုင်ပါက ကျွန်ုပ်တို့ အပေါ်တွင် ဥပဒေအရ တာဝန်ကျရောက်ခြင်းမရှိပါ။ ၈။ (ခ) ကျွန်ုပ်တို့၏ တာဝန်ပေါ့လျော့ မှုကြောင့် ထိခိုက်ဒဏ်ရာရရှိမှု (သို့မဟုတ်) သေကြေပျက်ဆီးမှု မဟုတ်လျှင် တောင်းခံနိုင်သော နစ်နာကြေး ခံစားခွင့်မှာ ကျပ် ၅၀ဝဝဝဝ( ၅သိန်း) အမြင့်ဆုံးဖြစ်ပါသည်။

၈။(ဂ) ဤသဘောတူညီချက်ပါစည်းကမ်းချက်များသည် သုံးစွဲသူအား မည်သည့်ဥပဒေ တစ်ရပ်ရပ်အရ ပေးအပ်ထားသော မည်သည့် အခွင့်အရေးများ အပေါ်တွင် မဆို ထိခိုက်သက်ရောက်ခြင်းမရှိနိုင်၍ ကျွန်ုပ်တို့နှင့် ဤသို့ သဘောတူညီခြင်းဖြင့် သင်၏အခွင့်အရေးများကို ခြွင်းချက်ပြု ထုတ်ပယ် ချန်လှပ်၍ မရနိုင်ပါ။

 

၁၀။ ကိုယ်ရေး အချက်အလက်များ

၉(က)။ အောက်ဖော်ပြပါ ကိစ္စရပ်များ ၊ အချက်အလက်များတွင် ကျွန်ုပ်တို့နှင့် ကျွန်ုပ်တို့ ကုမ္ပဏီမှ သင့်၏ အချက်အလက်များကို အသုံးပြုကောင်းပြုနိုင်ပါသည်။

သင့်အကောင့်ကို စီမံခန့်ခွဲရန်၊ သုံးစွဲသူများအတွက် ရှင်းလင်းပြန်ကြားပေးရေးလုပ်ဆောင်ချက်များ လုပ်ဆောင်နိုင်ရန်၊ ကျွန်ုပ်တို့၏ ဝန်ထမ်းများအား သင်ကြားပို့ချရန် (ဖုန်းခေါ်ဆိုခြင်းနှင့် သင်တို့ပေးပို့လိုက်သော အီးမေးလ် (သို့မဟုတ်) မက်ဆေ့ချ်များကို ကြီးကြပ်ခြင်းဆိုင်ရာများ ပါဝင်သော သင်တန်းများတွင်) ကွန်ရက်၏ အရည်အသွေးနှင့် လုံခြုံစိတ်ချရမှုအား စောင့်ကြည့်ရန်၊ အိုင်တီနည်းစနစ်များကို စမ်းသပ်စစ်ဆေးရန်နှင့် ထိန်းသိမ်းစောင့်ရှောက်ရန်။

သင်တို့ပေးပို့လက်ခံရရှိသော ဖုန်းခေါ်ဆိုမှုများနှင့် မက်ဆေ့ချ်များ၊ ဆက်သွယ်မှု ဖြစ်ပွားသောအချိန်၌ သင်ရောက်ရှိနေသောနေရာ၊ ကျွန်ုပ်တို့ ဝက်ဘ်ဆိုက်ကို သင်အသုံးပြုမှုနှင့် သင့်အသုံးပြုမှုဆိုင်ရာ အချက်အလက်များ အပါအဝင်၊ သို့ရာတွင် ယင်းတို့သာဟု ကန့်သတ်ထားခြင်း မရှိဘဲ ဈေးကွက်ဖော်ဆောင်ရေး ရည်ရွယ်ချက်များ အတွက် သင်တို့၏ ဝန်ဆောင်မှုသုံးစွဲခြင်းများကို လေ့လာဆန်းစစ်ရာတွင် သင်ရောက်ရှိနေသော ခန့်မှန်းတည်နေရာအပါအဝင် သင့်အချက်များကို အရေးပေါ်ဝန်ဆောင်မှုများ ပေးအပ်သူသို့ ပေးပို့ရာတွင် အရေးပေါ်ကိစ္စများအတွက် ခေါ်ဆိုပါက သင်ကန့်ကွက်ခဲ့ခြင်းမရှိပါက ဈေးကွက်ဖော်ဆောင်ရေး မက်ဆေ့ချ်များဖြင့် သင့်ကို ဆက်သွယ်မည်။ ယင်းမက်ဆေ့ချ်များတွင် အခြားသော အဖွဲ့ အစည်းများ ၏ ဈေးကွက်ဖော်ဆောင်ရေးများ ပါဝင်နိုင်ပါသည်။ သို့သော်လည်း ကျွန်ုပ်တို့ သည် သင်၏ အချက်အလက်များနှင့် သက်ဆိုင်သော တာဝန်ဝတ္တရားများကို အခြားအဖွဲ့အစည်းများသို့ လွှဲပြောင်းပေးအပ်ခြင်း ပြုလုပ်လိမ့်မည် မဟုတ်ပါ။ အကယ်၍ ကျွန်ုပ်တို့ထံမှ ဈေးကွက်ဖော်ဆောင်ရေး မက်ဆေ့ချ်များကို သင်လက်ခံရရှိလိုခြင်းမရှိပါက ဝက်ဘ်ဆိုက် (သို့မဟုတ်) ၉၇၉ သို့ ကျေးဇူးပြု ခေါ်ဆို၍ ဆက်သွယ် အသိပေးနိုင်ပါသည်။

၉။(ခ) သင်၏ အချက်အလက်များ၏ အသေးစိတ်ကို မည်သည့်တယ်လီဖုန်း လမ်းညွှန်များတွင် မဆို (သို့မဟုတ်) ကျွန်ုပ်တို့ ၏(သို့မဟုတ်) အခြားကြားခံ ဝန်ဆောင်မှုပေးသည့် အဖွဲ့များ၏ တယ်လီဖုန်းလမ်းညွှန်များတွင်မဆို (သို့မဟုတ်) တယ်လီဖုန်း လမ်းညွှန်များတွင် လမ်းညွှန်စုံစမ်းခြင်း ဝန်ဆောင်မှုများတွင် ရိုက်နှိပ်ဖြန့်ချိနိုင်ပါသည်။ အကယ်၍ သင်၏အကြောင်းအရာများအား ဤဝန်ဆောင်မှုများတွင် မပါဝင်စေလိုပါက ကျွန်ုပ်တို့ကို ဆက်သွယ်နိုင်ပါသည်။

၉။(ဂ) ကျွန်ုပ်တို့ သင်၏ အချက်အလက်များကို မည်သို့ မည်ပုံ အသုံးပြုမည်ကို သိရှိလိုပါက ကိုယ်ရေးကိုယ်တာ အချက်အလက်များဆိုင်ရာ ပေါ်လစီကို ကျွန်ုပ်တို့၏ ဝက်ဘ်ဆိုက်တွင် ကျေးဇူးပြု၍ ဖတ်ကြည့်ပေးစေလိုပါသည်။

 

၁၁။ အထွေထွေ

၁၀။(က) ဤသဘောတူညီမှုအား မည်သူ့ကို မဆို၊ မည်သည့် အချိန်တွင်ဖြစ်စေ ကျွန်ုပ်တို့ လွှဲပြောင်းပေးနိုင်ပါသည်။ အကယ်၍ ကျွန်ုပ်တို့နှင့် သဘောတူညီမှုကို လွှဲပြောင်းပေးချင်သည်ဆိုပါက ကျွန်ုပ်တို့ သဘောတူညီလျှင် သင်လွှဲပြောင်းပေးနိုင်ပါသည်။ ဤ တောင်းဆိုမှုကို အကြောင်းအကျိုးမခိုင်လုံဘဲ ကျွန်ုပ်တို့က ငြင်းဆန်လိမ့်မည် မဟုတ်ပါ။ ကျွန်ုပ်တို့ သဘောတူညီသည် ဆိုပါက ဤ သဘောတူညီမှုကို သင်မှ လက်ခံခဲ့သောကြောင့် လက်ကိုင်ဖုန်း ဆိုင်ရာ ပစ္စည်း ၊ ၎င်းနှင့်သက်ဆိုင်သောကြွေးမြီများ ပါဝင်သော တာဝန်သည် သင့်အပေါ်တွင် ကျရောက်သည့်အတိုင်း ကျွန်ုပ်တို့ က သင့်အပေါ် ဆောင်ရွက်ပြု လုပ်မည်။

၁၀။(ခ) အကယ်၍သင် (သို့မဟုတ်) ကျွန်ုပ်တို့မှ ဤ သဘောတူညီမှုအရ အခွင့်အရေးများကို စည်းကြပ်ရန် ပျက်ကွက်ခဲ့ပါက နှင့် ရပိုင်ခွင့်များကို မလိုက်နာ နိုင်ပါက ဆက်လက်အရေးယူ ဆောင်ရွက်ခြင်းများမှ သင် (သို့မဟုတ်) ကျွန်ုပ်တို့ကို ကာကွယ်ပေးနိုင်လိမ့်မည် မဟုတ်ပါ။

၁၀။(ဂ) သင်၏လက်ကိုင်ဖုန်းဆိုင်ရာ ပစ္စည်းကို သုံးသောအခါ သင်ဆက်သွယ်သော လက်ကိုင်ဖုန်းပစ္စည်းတွင် သင်၏ ဖုန်းနံပါတ်ကို ဖော်ပြခြင်းခံရနိုင်ပါသည်။ အကယ်၍ အရေးပေါ်ဆိုင်ရာဝန်ဆောင်မှုကို သင်ဆက်သွယ်စဉ်တွင် သင်၏ဖုန်းနံပါတ်သည် သင်ဆက်သွယ်သည့် အရေးပေါ် ဝန်ဆောင်မှုထံတွင် အမြဲတမ်း ဖော်ပြနေပါမည်။

၁၀။(ဃ) အကယ်၍ သင့်တွင်တိုင်ကြားရန် အကြောင်းအရာရှိပါက ကျေးဇူးပြု၍ ကျွန်ုပ်တို့ကို ဆက်သွယ်ပါ။ သင်၏ တိုင်ကြားချက်များကို ကျွန်ုပ်တို့မှ အကောင်းဆုံးဖြေရှင်းပေးသွားပါမည်။ ဤသဘောတူညီမှုနှင့် ပတ်သတ်၍ အငြင်းပွားဖွယ်ရာများ ရှိပါက သင် (သို့မဟုတ်) ကျွန်ုပ်တို့မှ တရားဥပဒေအရ မြန်မာနိုင်ငံ တရားရုံးတွင် ဖြေရှင်းနိုင်ပါသည်။

၁၀။(င) ဤသဘောတူညီမှုကို မြန်မာနိုင်ငံဥပဒေများဖြင့် လွှမ်းမိုးသက်ရောက်မှု ရှိမည်။

 

ကျွန်ုပ်တို့အား ဆက်သွယ်ရန်
အီးမေးလ်                          - care@telenor.com.mm
ဖုန်းသုံးစွဲသူ ဆိုင်ရာ ရှင်းလင်းပြန်ကြားရေးဌာန
( Customer Care Center) - ၉၇၉ (သို့မဟုတ်) ဝ၉၇၉၀ဝ၉၇၉၀ဝ
မြန်မာမှတ်ပုံတင်အမှတ်   -  ၃၈၇ အက်ဖ်စီ / ၂၀၁၃ - ၂၀၁၄ ။
ရုံးချုပ်                               -  အမှတ် (၄၀) ၊ စက်မှု (၁) လမ်း ၊ ဗဟန်းမြို့နယ် ၊ ၁၁၀၈၁၊ ရန်ကုန်၊ မြန်မာ။

Product

အဓိပ္ပါယ်ဖွင့်ဆိုချက်

We, our or us စကားရပ်ဖြင့် တယ်လီနောမြန်မာလီမိတက်ကို ရည်ညွှန်းပါသည်။

သင်၊သင်၏ဟူသောစကားရပ်ဖြင့် ဝန်ဆောင်မှုသုံးစွဲသူကို ရည်ညွှန်းပါသည်။

e-load ဆိုသည်မှာငွေဖြည့်ကတ်မပါပဲ အီလက်ထရွန်နစ်စနစ်ကို အသုံးပြု၍ငွေဖြည့်ခြင်းကို ဆိုလိုပါသည်။

Pay As You Go ဆိုသည်မှာ.သင်၏ အမှန်တကယ်သုံးစွဲမှုပမာဏ အတိုင်းသာကောက်ခံသည့်ပုံစံကို ဆိုလိုပါသည်။

IVR ဆိုသည်မှာ ခေါ်ဆိုသူအား အလိုအလျှောက်တုန့်ပြန်ဖြေကြားလမ်းညွှန်သည့် စနစ်ဖြစ်ပါသည်။

USSD ဆိုသည်မှာ ဝန်ဆောင်မှုဆိုင်ရာအချက်အလက်များရယူ လိုသည့် အခါတွင် ဝင်ရောက်သုံးစွဲရန်ရိုက်နှိပ်ခေါ်ဆိုရသောနံပါတ်(ဥပမာ*124#) ကိုဆိုလိုပါသည်။

 

SIM card & Phone number
ဆင်းကတ်နှင့်ဖုန်းနံပါတ်

Start Up Kit

SUK တွင်သင်၏တယ်လီနောဆင်းကတ်၊သင်၏မိုဘိုင်းနံပါတ်၊လျှောက်လွှာနှင့် ဝန်ဆောင်မှုအားစတင်အသုံးပြုရန်လမ်းညွန်ချက်များစသည်တို့ပါဝင်မည်။

Included benefits upon activation
ဆင်းကတ်နှင့်တစ်ပါတည်းပါဝင်သော ထပ်ဆောင်းဝန်ဆောင်မှုများ ဆင်းကတ်တွင်ခံစားခွင့်အဖြစ်ပေးအပ်သောထပ်ဆောင်းဝန်ဆောင်မှုများတပါတည်းပါဝင်မည်။ ထိုထပ်ဆောင်းဝန်ဆောင်မှုများ၏သုံးစွဲမှုသက်တမ်းကိုတယ်လီနောမှပေးပို့သော SMS တွင်လည်းကောင်း၊ ဝယ်ယူသောဆိုင်များတွင်လည်းကောင်း၊တယ်လီနော၏ website ဖြစ်သော www.telenor.com.mm .တွင်လည်းကောင်းလေ့လာဖတ်ရှုနိုင်သည်။

မှတ်ချက်။ထပ်ဆောင်းဝန်ဆောင်မှုများ၏သက်တမ်းမှာပုံမှန်ဝန်ဆောင်မှုများ၏သက်တမ်းထက်တိုတောင်းပါမည်။

 

SIM card
ဆင်းကတ်

တယ်လီနော၏ဆင်းကတ်အရွယ်အစားများမှာ normal, micro နှင့် nano ဟုသုံးမျိုးရှိမည်။တယ်လီနောအရောင်းဆိုင်များတွင် normal နှင့ micro SIM အတွဲများကိုရရှိနိုင်ပြီး nano SIMများကိုသက်မှတ်ထားသောတယ်လီနောအရောင်းဆိုင်များတွင် သာရရှိနိုင်သည်။ ဆင်းကတ်ပျက်စီး/ပျောက်ဆုံးခဲ့လျှင် တယ်လီနောမှတာဝန်ယူမည်မဟုတ်ပါ။အစားထိုးဆင်းကတ်အားကျသင့်သောတန်ဖိုးပေးဆောင်၍တယ်လီနောအရောင်းဆိုင်များတွင်ဝယ်ယူရရှိနိုင်သည်။ အစားထိုးဆင်းကတ်၏ကျသင့်သည့် တန်ဖိုးတွင်ထိုဆင်းကတ်၏တန်ဖိုးမျှသာပါဝင်ပြီး သင်အသုံးပြုမည့အခြားသောဝန်ဆောင်မှုများအတွက် သီးသန့်ဝယ်ယူရမည်ဖြစ်သည်။

 

Account Validity
အကောင့်သက်တမ်း

ပထမဆုံးအကြိမ်ငွေဖြည့် ခြင်းမပြုလုပ်မီတွင် သင့်အကောင့်သက်တမ်းမှာရက်၆၀ဖြစ်ပြီးငွေဖြည့်ပြီးသည် နှင့်ငွေဖြည့်ရက်မှ၃၆၅ရက်သက်တမ်းတိုးသွားမည်။ သင်၏ဆင်းကတ်စတင်အသက်ဝင်ချိန်မှ ၃၆၅ ရက်အတွင်းငွေမဖြည့်ပါက သင့်အကောင့်/သင့်နံပါတ်ပထမအဆင့်ယာယီပိတ်ခံရမည်။ ပထမအဆင့်ယာယီပိတ်ခံချိန်တွင် အဝင်ဖုန်း၊ SMS လက်ခံရရှိနိုင်ပြီးအထွက်ခေါ်ဆိုခြင်း/ SMSပို့ခြင်း/ အင်တာနက်အစရှိသည်တို့အသုံးပြုနိုင်မည် မဟုတ်ပါ။ထို့အပြင်သင့်သုံးစွဲမှုမှတ်တမ်းများကို ဆက်လက်ထိန်းသိမ်းထားမည် မဟုတ်ပါ။ ဤကဲ့သို့ယာယီပိတ်ခံရချိန်တွင် ရက်၉၀အတွင်းငွေမဖြည့်ပါက သင့်အကောင့်ပြန်လည်အသက်ဝင်ပြီး အကောင့်သက်တမ်း၃၆၅ထပ်တိုးသွားမည်။ သို့သော်ရက်၉၀အတွင်း ငွေမဖြည့်ပါကဒုတိယအဆင့်အနေဖြင့် သင့်အကောင့်ယာယီအပိတ်ခံရပြီးအဝင်ဖုန်း၊ SMS အဝင်၊အထွက်ပါလက်ခံရရှိနိုင်တော့မည်မဟုတ်ပါ။ ဤကဲ့သို့ဒုတိယအဆင့်ယာယီ အပိတ်ခံရချိန်တွင်ရက်၉၀အတွင်းငွေဖြည့်ပါက သင့်အကောင့်ပြန်လည်အသက်ဝင်ပြီးအကောင့်သက်တမ်း၃၆၅ထပ်တိုးသွားမည်။ ဒုတိယအဆင့် ယာယီအပိတ်ခံရချိန်တွင် ရက်၉၀အတွင်းငွေမဖြည့်ပါကသင်၏နံပါတ်ကို နောက်ထပ်ရက်၃၀အကြာတွင်အပြီးအပိုင်ပိတ်သိမ်း၍ ယင်းနံပါတ်အားတယ်လီနောမှ အခြားသူထံ ပြန်လည်ရောင်းချခွင့်ရှိသည်။ ထို့ကြောင့် နောက်ဆုံးအဆင့်မရောက်မီမည်သည့်အချိန်တွင် မဆိုငွေဖြည့်ခြင်းဖြင့်သင့်အကောင့်ကိုအသက်ပြန်သွင်းရယူနိုင်သည်။

 

Network services
ကွန်ရက်ဝန်ဆောင်မှု

မည်သည့်အချိန်တွင်ပင်ဖြစ်စေသတ်မှတ်တည်နေရာအတွင်း မိုဘိုင်းကွန်ရက်ရရှိနိုင်မှုနှင့်သုံးစွဲနိုင်မှုအပေါ်မူတည်၍ သာတယ်လီနော၏ ဝန်ဆောင်မှုများကိုပေးအပ်ခြင်းဖြစ်သဖြင့်မည်သို့သောမိုဘိုင်းကွန်ရက်မရရှိနိုင်မှု၊ မတည်ငြိမ်မှုသို့မဟုတ်ချွတ်ယွင်းမှုများအတွက် ကုန်ကျသောစရိတ်များသို့မဟုတ်နစ်နာကြေးများအဖြစ် ငွေပြန်အမ်းပေးရန်တာဝန်မရှိပါ၊

 

Onnet, offnet and anynet

ပြည်တွင်းဖုန်ခေါ်ဆိုမှုများ/SMS ဝန်ဆောင်မှုများတွင် Onnet, Offnet နှင့် anynet ဟု၃မျိုးရှိသည်။

Onnet - တယ်လီနောသုံးစွဲသူအချင်းချင်းဖုန်းခေါ်ဆိုခြင်း၊ SMS ပေးပို့ခြင်းကိုဆိုလိုပါသည်။

Offnet - တယ်လီနောနံပါတ်မှတယ်လီနောမဟုတ်သောနံပါတ်အားဖုန်းခေါ်ဆိုခြင်း၊SMS ပေးပို့ခြင်းကိုဆိုလိုပါသည်။ Anynet - မည့်သည့်မိုဘိုင်းကွန်ယက်ကိုမဆိုဖုန်းခေါ်ဆိုခြင်း၊ SMS ပေးပို့ခြင်းကိုဆိုလိုပါသည်။

 

SIM Tool Kit menu

SIM tool kit menu (STK) သည် သင်၏ ဆင်းကတ်တွင် တစ်ပါတည်းပါဝင်သော menu ဖြစ်ပြီး menu များသည် သင်၏ မိုဘိုင်းဖုန်းအပေါ်မူတည်သည်။ STK menu ကို မြန်မာ/အင်္ဂလိပ် ၂ ဘာသာဖြင့် ဖတ်ရနိုင်ပြီး prepaid နှင့် postpaid စနစ် ၂ ခုစလုံးတွင် အသုံးပြုနိုင်သည်။ STK menuအတွက်ဝန်ဆောင်ခပေးရန်မလိုပဲmenu ရှိဝန်ဆောင်မှုများကိုရွေး ချယ်ဝယ်ယူမှသာ ကျသင့်သောအခကိုပေးရပါမည်။

 

Phone numbers
ဖုန်းနံပါတ်များ

Number format
နံပါတ်ပုံစံ

သင်၏ဖုန်းနံပါတ်မှာ(ဝ၉၇၉)နှင့်စ၍ဂဏန်း(၁၁)လုံးပါရှိမည်။အကယ်၍သုညကိုချန်လှပ်၍ဂဏန်း(၁၀)လုံးသာမှတ်သားထားသောသုံးစွဲသူများအနေဖြင့် နံပါတ်ရှေ့တွင်သုညခံ၍ဖြစ်စေ၊(+၉၅)သို့မဟုတ်(ဝဝ၉၅)ခံ၍ဖြစ်စေ ခေါ်ဆိုနိုင်ပါသည်။ မည်သို့ပင်ခေါ်ဆိုသည်ဖြစ်စေသတ်မှတ်ထားသောခေါ်ဆိုခသာကျသင့်ပါမည်။ သင်၏ဖုန်းထဲရှိ phone book ထဲတွင်(+၉၅) သို့မဟုတ်(ဝ) ခံ၍ဖုန်းနံပါတ်များကိုမှတ်သားထားရန်အကြံပေးလိုသည်။ သင်လက်ခံရရှိသောနံပါတ်ပုံစံများကွာခြားခြင်း နှင့်ပတ်သက်၍ နားလည်မှုလွဲခြင်းများကိုတယ်လီနောမှတာဝန်မယူပါ။

 

နံပါတ်လှနှင့်ပုံမှန်နံပါတ်များ

နံပါတ်လှ၏ဈေးနှုန်းများမှာ နံပါတ်၏လှပမှုအပေါ်မူတည်၍ကွာခြားမည်။ ဆင်းကတ်ဝယ်ယူချိန်တွင် နံပါတ်ရွေးချယ်ရမည်ဖြစ်ပြီးကျသင့်သောဈေးနှုန်းကိုပေးချေရမည်။ သင်တို့ရွေးချယ်သောနံပါတ်အတွက် တယ်လီနောမှ အထူးထောက်ခံချက်လိုသည်။ နံပါတ်လှစာရင်းတွင်မပါဝင်သော သုံးစွဲထားခြင်းမရှိသည့် နံပါတ်များကို့ဦးစွာပထမ အသက်သွင်းပေးခြင်းမတိုင်မီသုံးစွဲသူမှကိုယ်တိုင်ရွေးချယ်နိုင်ပြီး အဆိုပါ နံပါတ်များသည် ပုံမှန်နံပါတ်များဖြစ်ပါသည်။ နံပါတ်အလှနှင့်ပုံမှန်နံပါတ်များကို တယ်လီနောဆိုင်များတွင်ရရှိနိုင်သည်။

 

ငွေဖြည့်ခြင်းနှင့်အကောင့်တွင်ရှိငွေ

ငွေဖြည့်ကတ်

ငွေဖြည့်ကတ်များကို ငွေပမာဏအမျိုးမျိုးနှင့်ရရှိနိုင်သည်။ USSD (*၁၂၃*ငွေဖြည့်ကတ်ကုတ်နံပါတ်#ဖုန်းခေါ်ခလုပ်) သို့မဟုတ် ၉၇၉ သို့ခေါ်ဆို၍လည်းကောင်း ငွေဖြည့်နိုင်သည်။ ငွေဖြည့်မှု အောင်မြင်ပါက SMS သို့မဟုတ် အသံဖြင့်အသိပေးချက်ရရှိမည်ဖြစ်ပြီး သင်၏အကောင့်ထဲတွင်ရှိသောမူလလက်ကျန်ငွေနှင့်ပေါင်းသွားမည်။ ငွေဖြည့်ကတ်တိုင်းသည် တစ်ကြိမ်သာ အသုံးပြုနိုင်သည်။တယ်လီနော၏ငွေဖြည့်ကတ်သည် တယ်လီနောမှပေးသောဝန်ဆောင်မှုများအတွက်သာဖြစ်သည်။ သင်ဝယ်ယူပြီးသော ငွေဖြည့်ကတ်အတွက် ငွေပြန်အမ်းမည်မဟုတ်ပါ။ငွေဖြည့်ကတ်၏သက်တမ်းကို ကတ်တွင်ရိုက်နှိပ်ထားပြီး၊ ကတ်တွင်ရိုက်နှိပ်ထားသောရက်စွဲအထိသာ သက်တမ်းရှိမည်။

 

Eload ဖြင့်ငွေဖြည့်ခြင်း

Eload ဖြင့်ငွေဖြည့်ခြင်း ဆိုသည်မှာ ငွေဖြည့်ကတ်မပါပဲ အီလက်ထရွန်နစ်စနစ်ကိုအသုံးပြု၍ သင်၏ဖုန်းနံပါတ်နှင့် သင်ငွေဖြည့်လိုသောပမာဏအတိုင်း တယ်လီနောဆိုင်များ၊ ကိုယ်စားလှယ်ဆိုင်များ တွင် ငွေဖြည့်ခြင်းဖြစ်သည်။ ငွေဖြည့်မှုအောင်မြင်ပါက SMSနှင့်အသိပေးချက်ရရှိမည်ဖြစ်ပြီး Eload ဖြင့်ငွေဖြည့်တင်းခြင်းသည်လည်း အခြားငွေဖြည့်ကတ်များနည်းတူတစ်ကြိမ်သာသုံးစွဲခွင့်ရှိမည်။ ဝယ်ယူပြီးသော ငွေဖြည့်ကတ်များကို ငွေပြန်အမ်းပေးမည်မဟုတ်ပါ။တယ်လီနော၏ငွေဖြည့်ကတ်သည် ကျွနုပ်တို့ကွန်ရက်မှတဆင့် တယ်လီနောသို့မဟုတ် အခြားသီးသန့်အဖွဲအစည်းများမှပေးအပ်သော အသံ၊ data၊ content ဆိုင်ရာဝန်ဆောင်မှုများနှင့် တယ်လီနော၏ဆက်သွယ်ရေးဆိုင်ရာဝန်ဆောင်မှုအတွက်သာဖြစ်သည်။

 

လက်ကျန်ငွေစစ်ခြင်း

ပင်မလက်ကျန်ငွေများကို *၁၂၄#ဖုန်းခေါ်ခလုပ်ကိုရိုက်နှိပ်၍ လည်းကောင်း၊ အခြားသောလက်ကျန်ငွေ (အပိုဆောင်းရရှိသောအကျိုးခံစားခွင့်များ) ကို *၁၂၄*၁#ဖုန်းခေါ်ခလုပ်ကိုရိုက်နှိပ်၍ လည်းကောင်းစစ်ဆေးနိုင်သည်။ ထိုသို့စစ်ဆေးမှုရလဒ်ကို USSD အနေနှင့်လည်းကောင်း၊ SMS အနေနှင့်လည်းကောင်းရရှိနိုင်သည်။ လက်ကျန်ငွေစစ်ခြင်းသည် ဆက်သွယ်မှုကွန်ရက်ရရှိမှုအပေါ်မူတည်နေသည် ကိုလည်းသတိပြုစေလိုပါသည်။ ဆက်သွယ်မှုပြင်ပရောက်ရှိနေချိန်တွင် မအောင်မြင်သောလက်ကျန်ငွေစစ်ခြင်း များအတွက် တယ်လီနောမှတာဝန်ယူ မည်မဟုတ်ပါ။ လက်ကျန်ငွေ၏ ပြားစွန်းများကိုဖေါ်ပြခြင်းမရှိဘဲ ကျပ်ပြည့်အထိသာဖေါ်ပြပေးပါမည်။ သို့သော်ပြားစွန်းများကို စနစ်တွင်ထိန်းသိမ်းထားရှိပါသဖြင့် အသေးစိတ်သိရှိလိုပါက Call Center မှတဆင့်ဆက်သွယ်စုံစမ်းရရှိနိုင်ပါသည်။

 

လက်ကျန်ငွေနည်းပါးခြင်းအတွက်သတိပေးချက်

သင်၏လက်ကျန်ငွေကျပ်၁၀ဝအောက်ရောက်ရှိသွားပါကသင်ဖုန်းခေါ်ဆိုချိန်တွင်ငွေဖြည့်ရန် SMS သတိပေးချက်ကိုရရှိမည်ဖြစ်သည်။ လက်ကျန်ငွေကျပ်၁၀ဝအောက်ရောက်ရှိသွားပါကအင်တာနက်သုံးစွဲမှုကိုအလိုအလျှောက်ပိတ်လိုက်မည်ဖြစ်ပြီး ကျန်ရှိငွေကိုသင်ဖုန်းခေါ်ဆိုရန်အရန်ချန်ထားမည်ဖြစ်သည်။

 

ဖုန်းခေါ်ဆိုခြင်းနှင့်SMSပေးပို့ခြင်း

အကျိုးခံစားခွင့်ယူနစ်များ

အခြားအကျိုးခံစားခွင့်ယူနစ်များတွင်ဖုန်းခေါ်ဆိုနိုင်ခွင့်မိနစ်များ၊ SMS အစောင်ရေများနှင့်အင်တာနက်သုံးစွဲခွင့်ယူနစ်များပါဝင်သည်။ ဤတွင်ပါဝင်သောအကျိုးခံစားခွင့်များကိုသက်မှတ်ထားချက်များအတိုင်းသာသုံးစွဲခြင်းပြုရန်တားမြစ်ကန့်သတ်ထားနိုင်သည်။ ဥပမာသင်ဝယ်ယူထားသော SMS အစောင်ရေများမှာ Onnet SMS ဖြစ်ခဲ့ပါကတယ်လီနောသုံးစွဲသူ (တယ်လီနောနံပါတ်) အချင်းချင်းသာပေးပို့နိုင်မည်။ သင်၏ယူနစ်များမရှိတော့ပါကသင်၏သုံးစွဲမှုပေါ်မူတည်၍သင်၏လက်ကျန်ငွေမှနှုတ်သွားမည်ဖြစ်သည်။

အကျိုးခံစားခွင့်များကုန်သွားကြောင်းအသိပေးစနစ်ရှိနိုင်သည်။ ဤအကျိုးခံစားခွင့်များ၏သက်တမ်းကာလကိုသတ်မှတ်ပေးထားသဖြင့်ယင်းကာလအတွင်းသာသုံးစွဲခွင့်ရရှိမည်။ အကျိုးခံစားခွင့်များကို USSD မှတဆင့်စစ်ဆေးနိုင်ပြီးဝယ်ယူနိုင်သောယူနစ်များကုန်သွားပါကအကျိုးခံစားခွင့်များကိုသုံးစွဲ၍ရနိုင်တော့မည်မဟုတ်ပါ။

 

အလိုအလျှာက်သက်တမ်းတိုးခြင်း

အချိန်ကာလအတိုင်းအတာတစ်ခုအတွင်းအလိုအလျောက်သက်တမ်းတိုးသွားသည့်ဝန်ဆောင်မှုမျိုးကိုကျွနုပ်တို့ကမ်းလှမ်းပါမည်။ ဤကဲ့သို့ကိစ်စရပ်များတွင်ဝန်ဆောင်မှုအမျိုးအစားအလိုက်မည်သို့သက်တမ်းတိုးသွားသည်ကိုသတ်မှတ်ထားသောစည်းမျဉ်းနှင့် သတ်မှတ်ချက်များ၌တိတိကျကျဖေါ်ပြပေးထားပါမည်။ ဝန်ဆောင်မှုအများစုအတွတ်သက်တမ်းမကုန်မီတစ်ရက်အလိုတွင် SMS သတိပေးချက်ပေးပို့မည်။ အကယ်၍သင့်အနေဖြင့်အဆိုပါဝန်ဆောင်မှုကိုဤအချိန်တွင်မရပ်နားခဲ့ပါကကျသင့်ငွေကိုသင့်မူလအကောင့်ထဲမှနှုတ်သွားပြီး သင့်အကောင့်ထဲတွင်လုံလောက်သောငွေပမာဏမရှိပါကဝန်ဆောင်မှုသည်အလိုအလျှာက်ရပ်နားခံရမည်ဖြစ်သည်။

 

မှတ်ပုံတင်၍ဝယ်ယူထားသူမဟုတ်သည့်အခြားသူမှသုံးစွဲခြင်း

တယ်လီနော၏ဆင်းကတ်နှင့်ဝန်ဆောင်မှုများသည်သင့်ကိုယ်ပိုင်သုံးစွဲမှုအတွက်သာအကျုံးဝင်ပြီးတယ်လီနော၏သဘောတူညီချက်မရရှိပဲ အခြားသူထံသို့တစ်ဆင့်ပြန်လည်ရောင်းချခြင်းအတွက်ဝန်ဆောင်မှုများအားတယ်လီနောမှရပ်စဲ နိုင်ခွင့်ရှိသည်။

 

အခွန်

တယ်လီနောအနေဖြင့်မြန်မာနိုင်ငံတော်အစိုးရမှသုံးစွဲသူများအပေါ်ချမှတ်သောအခွန်အားကောက်ခံခွင့်ရှိသည်။ဈေးနှုန်းများကိုအခွန်ပါပြီးဖြစ်စေ။ မပါပဲဖြစ်စေသုံးစွဲသူများကိုရှင်းလင်းစွာဆက်သွယ်ပြန်ကြားပေးသွားမည်။

 

ဖုန်းခေါ်ဆိုခြင်း

တယ်လီနော၏ဆင်းကတ်များဖြင့် အခြားသော မိုဘိုင်းဖုန်းကိုလည်းကောင်း၊ လိုင်းဖုန်းကိုလည်းကောင်း၊ နိုင်ငံခြား ဖုန်းကိုလည်းကောင်း ဆက်သွယ်ပြောဆိုနိုင်သည်။ သီးသန့်ဖော်ပြထားသည့် ပမာဏမရှိလျှင် ဖုန်းခေါ်ဆိုခများကို သတ်မှတ်ထားသည့်အတိုင်း ၂၀စက္ကန့်ခြား တစ်ခါ သို့မဟုတ် ယင်းနှင့်အနီးဆုံးကိုယူ၍ တွက်ချက်ကောက်ခံပါမည်။ အချို့သော သက်ဆိုင်ရာ နံပါတ်အုပ်စုများအတွက် ဖုန်းခေါ်ဆိုခများ ကွာခြားနိုင်သည် (ဥပမာ နိုင်ငံခြားခေါ်ဆိုမှုများနှင့် Premium Charged Number များ) မအောင်မြင်သောဖုန်းခေါ်ဆိုမှုများ/ လက်ခံဖြေကြားခြင်းမရှိသော ဖုန်းခေါ်ဆိုမှုများအတွက် ဖုန်းခေါ်ဆိုခ မကောက်ခံပါ။ သင်၏ခေါ်ဆိုမှုများအတွက် သင့်နံပါတ်ကို တစ်ဖက်လက်ခံသူမှ မသိရှိနိုင်အောင် ဖုန်းခေါ်ရန်မဖြစ်နိုင်ပါ။ တစ်ဖက်လက်ခံသူ၏ သင်၏နံပါတ်ကို မြင်ရခြင်း၊ မမြင်ရခြင်းသည် ၄င်း၏ လက်ကိုင်ဖုန်းအပေါ်မူတည်၍သာ ကွာခြားနိုင်သည်။

 

Call Center သို့ဖုန်းခေါ်ဆိုခြင်း

တယ်လီနောဖုန်းဖြင့်ခေါ်ဆိုပါက၉၇၉ကိုတိုက်ရိုက်နှိပ်၍Call Centerသို့ဖုန်းခေါ်ဆိုနိုင်သည်။ နိုင်ငံခြားမှခေါ်ဆိုပါ +၉၅(ဝ) ၉၇၉၀ဝ၉၇၉၀ဝသို့မဟုတ်တယ်လီနောဖုန်းမဟုတ်သောအခြားဖုန်းမှခေါ်ဆိုပါကဝ၉၇၉၀ဝ၉၇၉၀ဝသို့တိုက်ရိုက်နှိပ်၍ခေါ်ဆိုပါ။ Call Center ၏ IVသို့ခေါ်ဆိုမှုအတွတ်ဖုန်းပြောခကောက်ခံခြင်းမရှိသော်လည်းCustomer Service representativeနှင့်တိုက်ရိုက်ပြောဆိုပါကသက်မှတ်ထားသည့်နှုန်းဖြင့်ဖုန်းပြောခကောက်ခံမည်ဖြစ်သည်။

 

ဖုန်းခေါ်ဆိုပြီးချိန်တွင်ရရှိမည့်အသိပေးချက်

သင်ဖုန်းခေါ်ဆိုပြီးတိုင်းစနစ်မှအလိုအလျှာက်ပေးပို့သော USSD အသိပေးချက်ကိုရရှိမည်။ထိုအသိပေးချက်တွင်သင်၏ခေါ်ဆိုမှုအတွက်ကျသင့်ငွေ ၊ ကြာချိန်နှင့်သင့်လက်ကျန်ငွေတို့ကိုဖော်ပြပေးသွားပါမည်။ သင့်တွင်အပိုထပ်ဆောင်းရရှိသောမိနစ်များရှိလျှင်ကျသင့်ငွေကို 0.00 ကျပ်ဟုဖော်ပြပေးပါမည်။ *၁၂၄#ဖုန်းခေါ်ခလုတ်ကိုရိုက်နှိပ်၍လက်ကျန်ငွေပမာဏအားစစ်ဆေးနိုင်သည်။

မှတ်ချက်။အကယ်၍သင်ဖုန်းခေါ်ဆိုနေချိန်တွင်အင်တာနက်ကိုလည်းအသုံးပြုနေပါကယင်းအတွက်လက်ကျန်ငွေအချို့ကိုအရန်အဖြစ်ထားရှိမည်ဖြစ်၍ အလိုအလျှာက်စနစ်မှလက်ကျန်ငွေကိုဖော်ပြရာတွင်ကွာခြားမှုအနည်းငယ်ရှိနိုင်ပါသည်။

 

သုံးစွဲမှုအမြင့်ဆုံးနှင့်သုံးစွဲမှုနည်းပါးသည့်အချိန်

အချို့သောဝန်ဆောင်မှုများသည်နေ့တစ်နေ့၏အချိန်အလိုက်သို့မဟုတ်သီတင်းပတ်၏ရက်အလိုက်သတ်မှတ်ထားသော အချိန်အပိုင်းအခြားပေါ်မူတည်၍ဈေးနှုန်းအပြောင်းအလဲရှိသည်။

အချိန်အပိုင်းအခြားသတ်မှတ်ချက်များနှင့်ဈေးနှုန်းများကိုဝယ်ယူသူများအားအသိပေးသွားပါမည်။

 

ကွန်ရက်၏ပုံသေဝန်ဆောင်မှုများ

Call hold

ပထမဖုန်းခေါ်ဆိုမှုအားဖြေကြားနေချိန်တွင်ဒုတိယဖုန်းခေါ်ဆိုမှုကိုပြန်လည်ဖြေကြားနိုင်ရန်ပထမဖုန်းကိုဖုန်းမချပဲခေတ်တခဏဆိုင်ငံ့ထား၍ရပါသည်။ ပထမဖုန်းကိုခေတ်တခဏဆိုင်းငံ့ထားသည့်အချိန်ကာလအတွက်အကျုံးဝင်သည့်ဈေးနှုန်းအတိုင်းသာဖုန်းခေါ်ဆိုခကောက်ခံခြင်းရှိပါမည်။ ယင်းဝန်ဆောင်မှုအတွက်မှတ်ပုံတင်ရန်မလိုပါ။တယ်လီနောမှထပ်ဆောင်းပေးသောဝန်ဆောင်မှုဖြစ်သည်။ သို့သော်ဤဝန်ဆောင်မှုကိုအသုံးပြုနိုင်ခြင်းရှိ၊မရှိဆိုသည်မှာသင်၏မိုဘိုင်းဖုန်းပေါ်တွင်လည်းမူတည်သည်။

Conference call

အများဆုံးလူ၅ယောက်သို့မဟုတ်နံပါတ်၅လုံးတစ်ပြိုင်နက်ပြောဆိုဆက်သွယ်နိုင်မည့် Conference Call စနစ်သည် တယ်လီနောမှထပ်ဆောင်းပေးသောဝန်ဆောင်မှုဖြစ်သည်။ Conference Call တွင်ပါဝင်သောဖုန်းခေါ်ဆိုမှုတိုင်းအတွတ်ဖုန်းခေါ်ဆိုခပေးဆောင်ရမည်။Conference Call စနစ်ကိုပြည်တွင်း၌သာအသုံးပြုနိုင်ပါသည်။ ယင်းဝန်ဆောင်မှုအတွက်မှတ်ပုံတင်ရန်မလိုပါ၊ သို့သော်ဤဝန်ဆောင်မှုကိုအသုံးပြုနိုင်ခြင်းရှိ၊မရှိဆိုသည်မှာသင်၏မိုဘိုင်းဖုန်းပေါ်တွင်လည်းမူတည်သည်။

Call divert

Call divert ဆိုသည်မှာအဝင်ဖုန်းခေါ်ဆိုမှုများကိုပြန်လည်ဖြေကြားရန်မလိုပဲ voicemail (အသေးစိတ်အချက်အလက်များကို VAS Voicemail တွင်ဖတ်ပါ) သို့လွှဲပြောင်းခြင်းဖြစ်သည်။ အဝင်ဖုန်းခေါ်ဆိုမှုများလွှဲပြောင်းခြင်းအတွတ်ကျသင့်ငွေကိုပေးဆောင်ရမည်။တယ်လီနောမှထပ်ဆောင်းပေးသောဝန်ဆောင်မှုဖြစ်သည်။ သို့သော်ဤဝန်ဆောင်မှုကိုအသုံးပြုနိုင်ခြင်းရှိ၊ မရှိဆိုသည်မှာသင်၏မိုဘိုင်းဖုန်းပေါ်တွင်လည်းမူတည်သည်။

Call forwarding

Call forwarding ဆိုသည်မှာအဝင်ဖုန်းခေါ်ဆိုမှုများကိုအခြားဖုန်းနံပါတ်သို့လွှဲပြောင်းခြင်းဖြစ်သည်။ အဝင်ဖုန်းခေါ်ဆိုမှုများလွှဲပြောင်းခြင်းအတွတ်ဖုန်းခေါ်ဆိုသည့်အတိုင်းကျသင့်ငွေကိုပေးဆောင်ရမည်။ ယင်းဝန်ဆောင်မှုအတွက်မှတ်ပုံတင်ရန်မလိုပါ၊တယ်လီနောမှထပ်ဆောင်းပေးသောဝန်ဆောင်မှုဖြစ်သည်။ သို့သော်ဤဝန်ဆောင်မှုကိုအသုံးပြုနိုင်ခြင်းရှိ၊မရှိဆိုသည်မှာသင်၏မိုဘိုင်းဖုန်းပေါ်တွင်လည်းမူတည်သည်။

 

Message ပေးပို့ခြင်း

SMS
SMS တစ်စောင်တွင်ရေးသားပေးပို့နိုင်သော စာလုံးရေမှာအင်္ဂလိပ်စာလုံးရေ၁၆၀ဖြစ်ပြီး မြန်မာဘာသာဆိုပါကစာလုံးရေ ၇၀လောက်သာဝင်နိုင်သည်။ ဘာသာစကားရွေးချယ်နိုင်မှုသည် သင်၏မိုဘိုင်းဖုန်းပေါ်တွင် လည်းမူတည်သည်။ SMS တစ်စောင်တွင်အင်္ဂလိပ် စာလုံးရေ၁၆၀/မြန်မာစာလုံးရေ၇၀ကျော်ပါက SMS နောက်တစ်စောင်အနေနှင့် ကောက်ခံမည်ဖြစ်သည်။ တယ်လီနော၏ SMS အား Telenor SMS Center (SMSC) မှတဆင့်ပေးပို့ခြင်းဖြစ်သည်။SMSC နံပါတ်မှာ +၉၅၉၇၉၀ဝဝဝဝ၆၀ဝ ဖြစ်ပြီး၊ တယ်လီနော၏ဆင်းကတ်အား ဟန်းဆက်တွင်ထည့်သွင်းအသုံးပြုပါက အဆိုပါနံပါတ်အား အလိုအလျောက် ထည့်သွင်းမည်ဖြစ်ပါသည်။ သုံးစွဲသူအနေဖြင့် SMSC နံပါတ်အားပြောင်းလဲမိပါက၊SMSဝန်ဆောင်မှုကို အသုံးပြုနိုင်မည်မဟုတ်ပါ။

MMS
MMS (multimedia message) ပေးပို့ရာတွင် စာသား၊ အသံဖိုင် ၊ရုပ်ပုံ အစရှိသည်တို့ကိုပါ ပေးပို့နိုင်သည်။ ဖိုင်အရွယ်/ပမာဏမှာ 500KB အများဆုံးဖြစ်သည်။ ဤဝန်ဆောင်မှုကို မြန်မာပြည်တွင်း၌သာ အသုံးပြုနိုင်သည်။ MMSကိုရရှိနိုင်ခြင်း၊ မရရှိနိုင်ခြင်းမှာ လက်ခံသူ၏ မိုဘိုင်းဖုန်းနှင့် ကွန်ရက်ချိတ်ဆက်နိုင်မှုတွင် လည်းမူတည်သည်။

 

အင်တာနက်ဝန်ဆောင်မှုများ

အမှန်တကယ်သုံးစွဲသောပမာဏအတွက်သာပေးရသောအင်တာနက်ဝန်ဆောင်မှု

အင်တာနက်အသုံးပြုရန်အတွက် လျှောက်ထားရန်မလိုပဲ သင်၏ဆင်းကတ်ဖြင့် တိုက်ရိုက်ဖွင့်လှစ်အသုံးပြုနိုင်သည်။ အင်တာနက်သုံးစွဲခများကို အမှန်တကယ်အသုံးပြုသောပမာဏ (volume based) အတိုင်းကောက်ခံပြီး သက်မှတ်ထားသည့်အတိုင်း 50KB တစ်ခါနှင့်ယင်း၏အနီးဆုံးကို ယူ၍ တွက်ချက်ကောက်ခံပါမည်။ အင်တာနက်ဝန်ဆောင်မှုအား ရပ်စဲလိုပါက ဖုန်းနံပါတ်၅၀ဝသို့ "internet off" ဟု SMS ပေးပို့နိုင်ပြီး ပြန်လည်သုံးစွဲလိုပါက ဖုန်းနံပါတ်၅၀ဝသို့ "internet on" ဟု SMS ပေးပို့နိုင်သည်။ မှတ်ချက်။ ဝန်ဆောင်မှုစတင်သက်ရောက်စေရန် သင်၏ဖုန်းအား ပိတ်ပြီးပြန်ဖွင့်ပါ။

 

Smart အင်တာနက်

တယ်လီနော၏အင်တာနက်မြန်နှုန်း 2 mbps နှင့်အထက်ရှိသော Smart Internet စနစ်ကိုမှတ်ပုံတင်လိုပါကဖုန်းနံပါတ်၅၀ဝသို့ "smart" ဟု SMS ပေးပို့နိုင်သည်။

အင်တာနက်မြန်နှုန်း

သတိပြုရန်မှာ အင်တာနက်မြန်နှုန်းသည် တယ်လီနောကွန်ရက်အား သုံးစွဲသူအရေအတွက်၊ မိုဘိုင်းတာဝါတိုင်များ၏အကွာအဝေး၊ အသုံးပြုသူ၏ မိုဘိုင်းဖုန်းနှင့် ကွန်ရက်ချိတ်ဆက်နိုင်မှု အစရှိသည်တို့ပေါ်တွင် လည်းများစွာမူတည်ရာ တယ်လီနောအနေဖြင့် အင်တာနက်မြန်နှုန်းအတိအကျမရရှိခြင်းအတွက် တာဝန်မယူပါ။ တယ်လီနော၏ အင်တာနက်ဝန်ဆောင်မှုမှာ 2G နှင့် 3G အင်တာနက်ဝန်ဆောင်မှုဖြစ်ပြီး၊ သုံးစွဲသူအနေဖြင့် 2G ကွန်ရက်သာရရှိသာ နေရာတွင်အသုံးပြုပါက 2G အင်တာနက်မြန်နှုန်းသာ အမြင့်ဆုံးရရှိမည်ဖြစ်ပါသည်။ အင်တာနက်၊ peer to peer နှင့် VoIP ဝန်ဆောင်မှုကို အလွန်အမင်းအသုံးပြုခြင်း အင်တာနက်ဝန်ဆောင်မှုသည် သင့်ကိုယ်ပိုင်အသုံးပြုခွင့်သာဖြစ်ပြီး၊ တပါးသူထံပြန်လည်ငှားရမ်းခြင်း၊ ရောင်းချခြင်းတို့အားမပြုလုပ်ရပါ။ သင့်အသုံးပြုနှုန်းသည် အင်တာနက်ကို မြင့်မားများပြားစွာ သုံးစွဲသူများ၏ ပျှမ်းမျှသုံးစွဲနှုန်းထက်ပင်ကျော်လွန်နေပါက (ဥပမာ၊နေ့စဉ် 1 GB) သင့်လိုင်းအား တယ်လီနောမှ ဖြတ်တောက်ခွင့်ရှိပါသည်။ သင့်အသုံးပြုမှုအား နည်းပညာပိုင်းလေ့လာရန်အတွက်မှတ်တမ်းတင်ထားခွင့်ရှိသည်။ ဥပဒေနှင့်မကိုက်ညီသော အချက်အလက်များ၊ အခြားစက်ပစ္စည်း တစ်ခုခုနှင့်တွဲသုံးသည့် tethering services များ၊ အင်တာနက် အခြေခံအသံဝန်ဆောင်မှု VoIP များ၊ အလွန်များပြားသည့် ဖိုင်ကူးပြောင်းမှုများသို့မဟုတ် FTP အသုံးပြုမှုများအား တယ်လီနောမှ ဖြတ်တောက်သွားပိုင်ခွင့်ရှိသည်။ တယ်လီနောမှ အချို့ဒေတာစီးဆင်းမှုများကို ကွန်ယက်ကြပ်တည်းမှုမဖြစ်စေရန် အလို့ငှာ ဖြတ်တောက်ခြင်း သို့မဟုတ် စီးဆင်းမှုနှုန်း နှေးကွေးသွားစေရန် အတွက် လုပ်ဆောင်ပိုင်ခွင့်ရှိသည်။

အင်တာနက်ဝန်ဆောင်မှုအစီအစဉ်များ (Internet Packs)

အင်တာနက်ဝန်ဆောင်မှု အစီအစဉ်ကို ဝယ်ယူအသုံးပြုပါက ဖော်ပြထားသောသက်တမ်း မကုန်ခင်အသုံးပြုရန်နှင့် သုံးစွဲရန်သက်တမ်းကုန်ပြီးပါက သင့်အကောင့်တွင် လက်ကျန်ငွေ/လက်ကျန်ယူနစ် ကျန်ရှိနေသေးသော်လည်း သက်တမ်းကု န်ပြီး ဖြစ်သောကြောင့် သုံးစွဲ၍မရနိုင်တော့သလို၊ ငွေလည်းပြန်အမ်းမည်မဟုတ်ပါ။ ယူနစ်ကုန်သွား၍ဖြစ်စေ၊ သုံးစွဲရန်သက်တမ်းကုန်၍ဖြစ်စေ သင်၏အင်တာနက်အသုံးပြုမှု ကိုပုံမှန် PAYG စနစ်ဖြင့်ကောက်ခံပါမည်။ ဝန်ဆောင်မှုမှာ အလိုအလျှောက်သက်တမ်းတိုးသည့်ပုံစံဖြစ်ပါက အလိုအလျှောက်သက်တမ်းတိုးသွားမည်ဖြစ်ပြီး၊ သက်တမ်းတိုးရန်နှင့် သက်တမ်းတိုးပြီးသောအခါတွင် လည်းကြိုတင်အသိပေးချက်ကို လက်ခံရရှိပါမည်။ Internet Pack များသည် တစ်ခုနှင့်တစ်ခုမတူညီသော မြန်နှုန်းများရှိနိုင်ကြောင်း သိစေလိုပါသည်။ မှတ်ချက်။ မြန်နှုန်းတူသော pack (၂ )ခုကိုဝယ်ယူသုံးစွဲပါက ယူနစ်များပေါင်းသွားပြီး မြန်နှုန်းမတူသော pack (၂)ခုကိုဝယ်ယူသုံးစွဲပါက ၏သုံးစွဲသူများအနေဖြင့်မြန်နှုန်းမြင့်သော packကိုသာပိုမိုနှစ်သက်သုံးစွဲသောကြောင့် မြန်နှုန်းနိမ့်သောpack၏ သက်တမ်းသည် မြန်နှုန်းမြင့်သောpack ကိုသုံးစွဲလျက်ရှိသောကာလတွင်ပင် သက်တမ်းကုန်ဆုံးသွားနိုင်ပါသည်။

URL အခြေခံ Packများ

URL အခြေခံ pack များသည်သတ်မှတ်ထားသောမိုဘိုင်း app သို့မဟုတ်သတ်မှတ်ထားသော URL လိပ်စာမှတဆင့်ဒေတာကို အသုံးပြုနိုင်သည်၊ဥပမာ Facebook pack အားသတ်မှတ်ထားသောသုံးစွဲနိုင်သည့်ပမာဏအားသတ်မှတ်ထားသောအချိန်အတိုင်းအတာတစ်ခုအတွင်းသုံးစွဲနိုင်သည်။

အင်တာနက်ဆက်တင်

တယ်လီနော၏အင်တာနက်ကိုအသုံးပြုရန်မှန်ကန်သော အင်တာနက်ဆက်တင်ကိုသင်၏မိုဘိုင်းဖုန်းတွင်ထည့်သွင်းရမည်။ အသုံးပြုသည့်မိုဘိုင်းဖုန်းအပေါ်မူတည်၍သုံးစွဲသူများသည်အင်တာနက် setting ကိုအလိုအလျှောက်ရရှိနိုင်မည်။အကယ်၍အလိုအလျှာက်မရရှိနိုင်ခဲ့လျင် setting မည်သို့ပြုလုပ်ရမည်ကိုတယ်လီနောမှ SMS ပေးပို့၍ညွန်ကြားပေးပါမည်။ APN Setting မှာ "internet" ဖြစ်သည်။

 

WAP

WAP အသုံးပြုမှုကိုသတ်မှတ်ထားသောအင်တာနက်အသုံးပြုခအတိုင်းကောက်ခံမည်။ WAP နှင့် Internet အသုံးပြုခသည်တူညီမည်။

 

အပြည်ပြည်ဆိုင်ရာဖုန်းခေါ်ဆိုမှုများအတွက်ဝန်ဆောင်မှု

အပြည်ပြည်ဆိုင်ရာဖုန်းခေါ်ဆိုမှုနှင့် SMS

တယ်လီနောအသုံးပြုသူများအနေနှင့်နိုင်ငံတကာသို့ SMS ပေးပို့ခြင်း၊ဖုန်းခေါ်ဆိုခြင်းတို့ပြုလုပ်နိုင်သည်။ခေါ်ဆိုခများကိုနိုင်ငံအလိုက်သတ်မှတ်ထားပြီး (၂၀) စက္ကန့်တခါသို့မဟုတ်ယင်းနှင့်အနီးဆုံးကိုယူ၍တွက်ချက်ကောက်ခံပါမည်။ တယ်လီနောမှခေါ်ဆိုခများကို ပြောင်းလဲသက်မှတ်နိုင်ပြီးအပြောင်းအလဲရှိသော ဈေးနှုန်းများကိုတယ်လီနော website www.telenor.com.mm တွင်ဖော်ပြသွားပါမည်။

အပြည်ပြည်ဆိုင်ရာခေါ်ဆိုမှုများကိုဖွင့်ခြင်း၊ပိတ်ခြင်း

ပြည်ပသို့ဖုန်းခေါ်ဆိုမှုများမပြုလုပ်လိုပါကCall Centerသို့ဖုန်းဆက်၍ပိတ်ခိုင်းနိုင်သည်။သို့သော် ID စစ်ဆေးရာတွင်မပြည့်စုံပါကတောင်းဆိုချက်ကိုတယ်လီနောမှငြင်းပယ်နိုင်သည်။ SMS ကိုအစောင်ရေဖြင့်ကောက်ခံခြင်းဖြစ်ပြီးပေးပို့မှုမအောင်မြင်သော SMS များအတွက်တယ်လီနောမှတာဝန်ယူမည်မဟုတ်ပါ။ သုံးစွဲသူအနေဖြင့်ပြည်ပမှပေးပို့သော SMS- ဥပမာအကြွေးဝယ်ခွင့်ဘဏ်ကဒ်ဆိုင်ရာများသို့မဟုတ် app အတည်ပြုချက်ဆိုင်ရာများကိုလက်ခံရရှိနိုင်သည်။

အတည်ပြုချက်ပေးပို့သောအဖွဲ့အစည်းများသည်တယ်လီနောနှင့်သဘောတူညီမှုရှိမှသာတယ်လီနောကွန်ရက်သို့ SMS ပေးပို့နိုင်သည်။

 

International Roaming

International roaming သည် အသင့်ပါဝင်သော ဝန်ဆောင်မှုဖြစ်သည်။ ဖုန်းခေါ်ဆိုခများကို နိုင်ငံအလိုက် သတ်မှတ်ထားသည့်အတိုင်း ကောက်ခံသွားပါမည်။ ဖုန်းခေါ်ဆိုခများကို သက်မှတ်ထားသည့်အတိုင်း (၂၀) စက္ကန့် ခြားတစ်ခါသို့မဟုတ်ယင်းနှင့် အနီးဆုံးကိုယူ၍ တွက်ချက်ကောက်ခံပါမည်။ တယ်လီနောမှသင်၏ roaming အသုံးပြုခွင့်ရှိ၊ မရှိကိုဆုံးဖြတ်နိုင်သည်။ တယ်လီနောမှကြိုတင် ငွေဖြည့်ဖုန်း ဝန်ဆောင်မှုစနစ်ဖြင့် ကမ်းလှမ်းရောင်းချသော International Roaming ဝန်ဆောင်မှုကိုရယူနိုင်ရန် သင့်အနေဖြင့် သက်တမ်းရှိနေသော နိုင်ငံကူးလက်မှတ်ကိုတင်ပြရမည်။ သင့်အားတယ်လီနောမှ International Roaming နှင့်/သို့မဟုတ် International Direct Dialing ဝန်ဆောင်မှုတွင် အများဆုံးအသုံးပြုနိုင်မည့်ပမာဏကို သတ်မှတ်ပေးနိုင်သည်။ သင့်အနေဖြင့် ပိုမိုများပြားသောပမာဏကို တိုးမြှင့်ရန်တောင်းဆိုပိုင်ခွင့်ရှိပြီး၊ တယ်လီနော မှသတ်မှတ်ထားသော စည်းကမ်းချက်များနှင့် ကိုက်ညီပါကခွင့်ပြုနိုင်သည်။ သင့်အနေနှင့်ဆင်းကတ် ပျောက်ဆုံးပျက်စီးခဲ့ပါလျှင်၂၄နာရီအတွင်းအကြောင်းကြားပါရန်နှင့် အကြောင်းကြားရန်ပျက်ကွက်ခဲ့ပါက ထိုကာလအတွင်းပေါ်ပေါက်သည့် ကျသင့်သောစရိတ်များ အားလုံးအတွက် သင်၏တာဝန်သာဖြစ်သည်။ သင်သည်တယ်လီနော၏ စည်းမျဉ်းစည်းကမ်းနှင့် မကိုက်ညီသောသုံးစွဲမှုများရှိပါက တယ်လီနောအနေနှင့် အထွက်ခေါ်ဆိုမှုများကိုပိတ်ခွင့်ရှိသည်။ သင်အနေနှင့် international roamingဝန်ဆောင်မှုကို ပိတ်လိုပါက ၉၇၉သို့ဖုန်းဆက်၍ ပိတ်ခိုင်းနိုင်သည်။ သို့သော်အထောက်အထား(ID)ကို စစ်ဆေးရာတွင်မခိုင်လုံခြင်း၊ မပြည့်စုံခြင်းများတွေ့ရှိရပါက ယင်းကဲ့သို့တောင်းဆိုချက်ကို တယ်လီနောမှငြင်းပယ်နိုင်သည်။

 

နိုင်ငံခြားမှတဆင့်လက်ကျန်ငွေများလွှဲပြောင်းပေးခြင်း

တယ်လီနောသုံးစွဲသူများသည်မြန်မာပြည်တွင်းမှမဟုတ်သောအခြားမိုဘိုင်းကွန်ရက်များကိုသုံးစွဲသူများမှလွှဲပြောင်းပေးသော airtime ကိုလက်ခံရရှိနိုင်သည်။ လွှဲပြောင်းပေးနိုင်သည့် operatorများ၏စာရင်းကိုသတ်မှတ်ကန့်သတ်ထားခြင်းမရှိပါ။ တယ်လီနောသုံးစွဲသူများသည် airtimeကိုသာလက်ခံနိုင်ပြီး၊အခြားတိုင်းပြည်ရှိဖုန်းများထံသို့လွှဲပြောင်း၍မရနိုင်ပါ။ မူလ Airtime လွှဲပြောင်းပေးပို့သူအားသတ်မှတ်ထားသောအတိုင်းအတာရှိသော Airtime ပမာဏများကိုကမ်းလှမ်း၍ထိုသို့ပေးပို့ခြင်းအတွက်ပေးပို့သောဒေသရှိအော်ပရေတာ၏သတ်မှတ်နှုန်းထားများနှင့်အညီလွှဲပြောင်းခကိုပေးပို့သူမှကျခံရမည်။ ပေးပို့သူမှနံပါတ်မှားပို့ခဲ့လျှင်တယ်လီနောမှတာဝန်ယူမည်မဟုတ်သကဲ့သို့ပြန်အမ်းပေးမည်လည်းမဟုတ်ပါ။တယ်လီနောမှ airtime လက်ခံခြင်းအတွက်သုံးစွဲသူများကိုအခကြေးငွေကောက်ခံမည်မဟုတ်ပါ။ လက်ခံရရှိသော airtime ကိုသုံးစွဲသူမှငွေသားအဖြစ်လဲလှယ်ခွင့်မရှိပါ။

 

ရရှိနိုင်သောအထူးဝန်ဆောင်မှုများ (VAS)

SMS-based Services
SMS အခြေခံသတင်းအချက်အလက်ဝန်ဆောင်မှုများ

Content (ဥပမာ။သတင်းများသို့မဟုတ်နောက်ဆုံးရအားကစားသတင်များ) များအား sms ဖြင့်ပေးပို့သောဝန်ဆောင်မှုများသည် SMSကိုအခြေခံသောဝန်ဆောင်မှုများဖြစ်သည်။ ဤဝန်ဆောင်မှုအတွက် မှတ်ပုံတင်စဉ်တွင် ဝန်ဆောင်မှုသုံးစွဲခကို သင်၏ပင်မလက်ကျန်ငွေမှ ကြိုတင်ပေးရန်သဘောတူသည်။ ဝန်ဆောင်မှု၏ သက်တမ်းမှာ အလိုအလျှောက်တိုးသွားမည်ဖြစ်ပြီး သက်တမ်းတိုးရန်နှင့် သက်တမ်းတိုးပြီးသောအခါများတွင် ကြိုတင်အသိပေးချက်လက်ခံရရှိမည်။ ဤဝန်ဆောင်မှုများ၏ content များအတွက်ကျွန်ပ်တို့တွင်တာဝန်မရှိပါ။ SMS တွင်ပါဝင်သည့်အကြောင်းအရာများကို တယ်လီနောမှပေးပို့ခြင်းမဟုတ်ပဲ တယ်လီနောနှင့်သဘောတူညီမှုယူထားသောသီးခြားအဖွဲ့အစည်းမှ ပေးပို့ခြင်းဖြစ်သည်။ SMSတွင်ပါဝင်သောအကြောင်းအရာများနှင့် စပ်လျဉ်း၍ content provider တွင်သာတစ်ဦးတည်းသီးသန့်တာဝန်ရှိသည်။ SMS ကိုအခြေခံသောဝန်ဆောင်မှုများကိုသုံးစွဲသူများ အားကြိုတင်အသိမပေးပဲ တယ်လီနောမြန်မာလီမိတက်မှ ယာယီပိတ်ထားနိုင်ခွင့်ရှိသည်။ တယ်လီနောမှ SMSအခြေခံဝန်ဆောင်မှု သုံးစွဲသူများဆိုင်ရာ အချက်အလက်များ ကိုပိုမိုကောင်းမွန်သောဝန်ဆောင်မှုပေးရန် အတွက်သုံးစွဲပိုင်ခွင့်ရှိသည်။

Missed Call Alert

Missed Call Alert ဝန်ဆောင်မှုအသုံးပြုလိုပါက မှတ်ပုံတင်ရန်လိုအပ်ပြီး ကျသင့်သောငွေကို သင့်၏ပင်မလက်ကျန်ငွေမှ ကြိုတင်ပေးရမည်။ ဝန်ဆောင်မှု၏ သက်တမ်းမှာအလိုအလျှောက် တိုးသွားမည်ဖြစ်ပြီး သက်တမ်းတိုးရန်နှင့် သက်တမ်းတိုးပြီးသောအခါများတွင် ကြိုတင်အသိပေးချက်လက်ခံရရှိမည်။ Missed Call Alert နှင့် Voice Mail ဝန်ဆောင်မှုကိုတစ်ချိန်တည်းအသုံးမပြုနိုင်ပါ။ သင်နိုင်ငံခြားသို့ရောက်ရှိနေချိန်တွင် Missed Call Alert ဝန်ဆောင်မှုမှာ သင်ချိတ်ဆက်ထားသော ကွန်ရက်ပေါ်မူတည်၍ အသုံးပြုရခြင်း၊ မရခြင်းရှိနိုင်သည်။

Telenor Mobile Portal

Telenor Mobile portal တွင် wallpaper, animation, themes, ringtones, full track mp3 songs, video clips, news, entertainment, information contents, games, apps များကို သက်မှတ်ထားသောနှုန်းထားများနှင့် ဝယ်ယူရရှိနိုင်သည်။ အလိုအလျှောက် သက်တမ်းတိုးသော ဝန်ဆောင်မှုဖြစ်ပါက သက်တမ်းမှာ အလိုအလျှောက် တိုးသွားမည်ဖြစ်ပြီး သက်တမ်းတိုးရန်နှင့် သက်တမ်းတိုးပြီးသော အခါများတွင် ကြိုတင် အသိပေးချက် လက်ခံရရှိမည်။ Telenor Mobile portal ရှိဝန်ဆောင်မှုများကို အသုံးပြုသူသည် portal ၏ သတ်မှတ်ချက်များကို သိရှိပြီးဖြစ်သည်ဟုယူဆကာ portal တွင်သင်၏လုပ်ဆောင်ချက်များ အတွက်သင်ကိုယ်တိုင်တွင် တာဝန်ရှိသည်။ တယ်လီနောမှ သုံးစွဲသူများအား ကြိုတင်အသိမပေးပဲ portal ရှိဝန်ဆောင်မှုများကို အပြောင်းအလဲလုပ်ခွင့်ရှိသည်။ အချို့သော content အမျိုးအစားများကို လက်ခံရယူသုံးစွဲခြင်း ပြုရန်ဆော့ဖ် ဲမှစွမ်းဆောင်ထောက်ပံ့ပေးနိုင်ခြင်း မရှိသောစက် ပစ္စည်း ကိရိယာအသုံးအဆောင်များအတွက် ကျွနုပ်တို့တွင် တာဝန်မရှိပါ။ ဤကဲ့သို့ ကိစ္စ ရပ်များတွင်content များကို သင့်ထံသို့ပေးပို့ခြင်း ဆိုင်ရာများအတွက် ကျွန်ပ်တို့တွင် တာဝန်မရှိပါသဖြင့် ကောက်ခံထားသော အဖိုးအခများကို လည်းပြန်အမ်းပေးမည် မဟုတ်ပါ။ content providerများမှပေးပို့သော content အရင်းအမြစ်များအတွက် ဥဏပစ္စည်း မှုပိုင်ခွင့်(IP) ဆိုင်ရာများနှင့် စပ်လျှင်း၍ ကျွန်ပ်တို့တွင် တာဝန်တစ်စုံတစ်ရာမရှိသကဲ့သို့ ထိုအရင်းအမြစ်များအတွက် တယ်လီနောမှ မည်သည့်ပေးရန်တာဝန်မှမရှိပါ။ တယ်လီနောမှ portal တွင်ကြော်ငြာများထည့်သွင်း ဖော်ပြခွင့်ရှိသည်။ တယ်လီနောမှ portal သုံးစွဲသူ၏ အချက်အလက်များကို စုဆောင်း၍ ပိုမိုကောင်းမွန်သော ဝန်ဆောင်မှုပေးရန် အတွက်သုံးစွဲပိုင်ခွင့်ရှိသည်

Co-branded Opera Mini

Opera Mini အားသုံးပြုရန်သင့်တွင်အင်တာနက်သုံးစွဲရန်ယူနစ် (သို့) PAYG စနစ်အသုံးပြုရန်လက်ကျန်ငွေရှိရမည်။ အင်တာနက်သုံးစွဲမှုအတွက်သက်မှတ်ထားသောကျသင့်ငွေကိုပေးဆောင်ရပါမည်။ မည်သို့သောအထူးပြုပြင်ဆင်ပြုလုပ်ခြင်းများကြောင့်မဆိုပေါ်ပေါက်သောချို့ယွင်းပျက်စီးမှုများအတွက်တယ်လီနောမြန်မာလီမိတက်သို့မဟုတ် Opera Mini တွင်တာဝန်မရှိပါ။ Opera Mini app သည် video file များအတွက်အထောက်အပံ့မပေးသည့်အတွတ်သင်၏မိုဘိုင်းတွင် media player ရှိမှသာ Opera Mini app ကိုအသုံးပြု၍ video ကြည့်နိုင်မည်။သင်အနေနှင့် Opera Software ၏သုံးစွဲသူလိုက်နာရန်အချက်များကိုသဘောတူလက်ခံရမည်။

Voicemail

Voicemail ဝန်ဆောင်မှုအသုံးပြုလိုပါက မှတ်ပုံတင်ရန်လိုအပ်ပြီး ကျသင့်သောငွေကို သင့်၏ပင်မလက်ကျန်ငွေမှကြိုတင်ပေးရမည်။ voicemail message ထဲရောက်သွားသော အဝင်ခေါ်ဆိုမှုများအတွက် ဖုန်းခပေးဆောင်ရန်မလိုပဲ IV အသုံးပြု၍ voicemail message များကိုနားထောင်ခြင်းနှင့် နှုတ်ခွန်းဆက် message ထားခြင်းများအတွက် သာ၁မိနစ်သို့မဟုတ် ယင်းနှင့်အနီးဆုံးယူ၍ တွက်ချက်ကောက်ခံသော ဖုန်းအသုံးပြုခကိုပေးရပါမည်။ ဝန်ဆောင်မှု၏ သက်တမ်းမှာ အလိုအလျှောက် တိုးသွားမည်ဖြစ်ပြီး သက်တမ်းတိုးရန်နှင့် သက်တမ်းတိုးပြီးသောအခါများတွင် ကြိုတင်အသိပေးချက်လက်ခံရရှိမည်။ Missed Call Alert နှင့် Voice Mail ဝန်ဆောင်မှုကိုတစ်ချိန်တည်းအသုံးမပြုနိုင်ပါ။ Voicemail inbox တွင် message အစောင်၁၀ဝသာ အများဆုံးသိမ်းထားနိုင်ပြီး ၁၀ဝကျော်ပါက message အဟောင်းများကို ဖျက်ပစ်ပါမည်။ သင်နိုင်ငံခြားသို့ ရောက်ရှိနေချိန်တွင် Voicemail ဝန်ဆောင်မှုမှာ သင်ချိတ်ဆက်ထားသော ကွန်ရက်ပေါ်မူတည်၍ အလုပ်လုပ်ခြင်း/မလုပ်ခြင်းတို့ဖြစ်နိုင်သည်။

တယ်လီနောမြန်မာ၏ဆင်းကတ်သုံးစွဲသူများအချင်းချင်းလက်ကျန်ငွေလွှဲပြောင်းခြင်း

အကယ်၍ သင်သည်လက်ကျန်ငွေကို လွဲပြောင်းပေးသူဖြစ်ပါက လက်ကျန်ငွေလွှဲပြောင်းခြင်း အတွက် လွဲပြောင်းသည့် ပမာဏအပြင် လွှဲပြောင်းခကိုပါ သင်၏ပင်မလက်ကျန်ငွေမှ ဖြတ်ယူထားမည်။ လက်ကျန်ငွေလွှဲပြောင်းခြင်းကို ပြည်တွင်း (သို့) ပြည်ပတွင်ရောက်ရှိနေချိန်တွင် လည်းလုပ်ဆောင်နိုင်သည်။ လက်ကျန် ငွေလွှဲပြောင်းရာတွင် ဥပဒေနှင့်ကိုက်ညီသော ရည်ရွယ်ချက်များအတွက် သာပြုလုပ်သုံးစွဲရန် သင်သဘောတူညီပြီးဖြစ်သည်။ ဝန်ဆောင်မှုပုံစံ၊ အဖိုးအခဆိုင်ရာ၊ ဝန်ဆောင်မှုကိုဝင်ရောက်ရယူမည့် channel ဆိုင်ရာများနှင့်စပ်လျဉ်း၍ မည်သည့်အချိန်တွင်မဆိုကြိုတင် အသိမပေးဘဲ ပြောင်းလဲသတ်မှတ်ပိုင်ခွင့် ကျွန်ပ်တို့တွင်ရှိသည်။ လက်ကျန်ငွေ လွှဲပြောင်းခြင်းကိုသုံး၍ လွှဲပြောင်းခြင်းပြုနိုင်သောအများဆုံးနှင့် အနည်းဆုံးပမာဏကို သတ်မှတ်ထားရှိသည်။ ကာလတစ်ခုအတွင်း သင်၏လက်ကျန်ငွေလွှဲပြောင်းခြင်း ပြုလုပ်လိုသော ပမာဏသို့မဟုတ် အမှန်တကယ်လွှဲပြောင်းသည့် ပမာဏအပေါ်တွင် သတ်မှတ်ကန့်သတ်နိုင်ခွင့် ကျွန်ပ်တို့တွင်ရှိသည်။ လက်ကျန်ငွေလွှဲပြောင်းရာတွင် တယ်လီနောနံပါတ်ခြင်း သာလွှဲပြောင်းနိုင်သည်။

အခြားသူတစ်ဦးအားသင့်တွင် လက်ကျန်ငွေမရှိတော့ပါက သင့်အားပြန်ခေါ်ရန်

SMS ပေးပို့ခြင်းဖြစ်သည်။ဤဝန်ဆောင်မှုအားတစ်ရက်၊တစ်ပတ်၊ တစ်လအတွင်းသက်မှတ်ထားသော အကန့်အသတ်ထက် ကျော်လွန်အသုံးပြုပါက တယ်လီနောမှဝန်ဆောင်မှုကို ပိတ်ခွင့်ရှိသည်။ Call Me Back ဝန်ဆောင်မှုကိုအသုံးပြုရာတွင် ဥပဒေနှင့်ညီညွတ်သောရည်ရွယ်ချက်များ အတွက်သာသုံးစွဲရန် သင်သဘောတူညီပြီးဖြစ်သည်။ Call Me Back ဝန်ဆောင်မှုအတွက် အခကြေးငွေပေးရန်မလိုပဲ သင့်အားဖုန်းပြန်ခေါ်သည့်ဘက်က သာသက်ဆိုင်ရာဖုန်းအော်ပရေတာနှင့် သဘောတူထားသည့်အတိုင်း ဖုန်းခေါ်ဆိုခပေးရပါမည်။ တယ်လီနောမြန်မာလီမိတက်မှဝန်ဆောင်မှုပုံစံ၊ ဝန်ဆောင်ခ ၊ ဝန်ဆောင်မှုကိုဝင်ရောက်ရယူနိုင်မည့် channel ဆိုင်ရာများနှင့် စပ်လျဉ်း၍သုံးစွဲသူအား ကြိုတင်အသိမပေးဘဲပြောင်းလဲနိုင်သည်။ Call Me Back Message လက်ခံရရှိသူမှဖုန်း ပြန်မခေါ်ခြင်း အတွက်သို့မဟုတ်ပေးပို့သည့် message ကိုအချိန်မီလက်ခံရရှိခြင်း၊ မရှိခြင်းဆိုသည့် ကိစ္စ ရပ်များအတွက် တယ်လီနောမြန်မာလီမိတက် တွင်တာဝန်မရှိပါ။ Call Me Back ဝန်ဆောင်မှုသည်

 

ဟန်းဆက်၊ဆင်းကတ်နှင့်ဆက်စပ်ပစ်စည်းများ (Device & Handset)

ဆင်းကတ်နှင့်ဟန်းဆက်တွဲဖက်ဝန်ဆောင်မှုအကျိုးခံစားခွင့်များ

တယ်လီနောမှရောင်းချသော မိုဘိုင်းဖုန်းများအတွက် ထပ်ဆောင်းအကျိုးခံစားခွင့်များရှိသည်။ အကျိုးခံစားခွင့်များကို သတ်မှတ်ထားသည့် ကာလအတွင်းသာခံစားခွင့်ရှိသည်။ တယ်လီနောဆင်းကတ်ကို တယ်လီနောမိုဘိုင်း ဖုန်းတွင်ထည့်သွင်း၍ အသုံးပြုချိန်မှစ၍ (၇၂)နာရီအတွင်း ထိုအကျိုးခံစားခွင့်များ စတင်သက်ရောက်မည်။ ကနဦးဆုံးဆင်းကတ်နှင့် မိုဘိုင်းအတွဲသာလျင် bundle benefits အကျိုးခံစားခွင့်များ ကိုရရှိရန်အကျုံးဝင်သည်။ အကျိုးခံစားခွင့်အတွက် "လ"အရေအတွက်ကို သတ်မှတ်ရေတွက်ရာတွင် ပြက္ခဒိန်လ အတိုင်း သတ်မှတ်ရေတွက်ခြင်းမဟုတ်ဘဲ၊ ဆင်းကတ်နှင့်မိုဘိုင်းဖုန်းကို ကနဦးဆုံးတွဲဖက်သည့်နေ့စွဲမှ စတင်၍ရေတွက်ခြင်းပြုရမည်။ ထပ်ဆောင်းရရှိသော ယူနစ်များကို နောက်လသို့ ဆက်လက်ယူဆောင်သွားခွင့်မရှိ။

ဝယ်ယူမှု၏နောက်ဆက်တွဲဝန်ဆောင်မှုများ

တယ်လီနောမှရောင်းချသောမိုဘိုင်းဖုန်းများအတွက်အာမခံပါရှိပြီးမိုဘိုင်းဖုန်းချို့ယွင်းမှုအတွက်ပြင်ဆင်ပေးသောဝန်ဆောင်မှုများရှိမည်။ အခြေအနေအပေါ်မူတည်၍သင့်ဖုန်းအားပြင်ဆင်ရန်သို့မဟုတ်အသစ်လဲလှယ်ပေးရန်တယ်လီနော၏ဖုန်းဝန်ဆောင်မှုပါတနာမှရွေးချယ်ခွင့်ရှိသည်။ အာမခံကတ်သည်မိုဘိုင်းဖုန်းထည့်ထားသောဘူးထဲတွင်ရှိပြီးအာမခံကတ်တွင်ပါဝင်သောသက်မှတ်ချက်များသာအကျုံးဝင်သည်။

 

လစဉ်ငွေပေးဝန်ဆောင်မှု

ဆင်းကတ် နှင့် ဖုန်းနံပါတ်

အကောင့်သက်တမ်း

လစဉ်ငွေပေးဝန်ဆောင်မှုစနစ်သုံး ဆင်းကတ်များ၏ ဝန်ဆောင်မှု ဆိုင်ရာသက်တမ်းမှာ ဝန်ဆောင်မှုသုံးစွဲသူများသည် မိမိတို့ ဆင်းကတ်ဖြင့ သုံးစွဲထားခဲ့သောဝန်ဆောင်မှုများအတွက် ကောက်ခံသောကျသင့သုံးစွဲခများကို ပုံမှန်ပေးချေခြင်း ရှိမရှိဆိုသည့် အပေါ်တွင်မှုတည်လျက်ရှိပါသည်။ လစဉ် သုံးစွဲခကောက်ခံလွှာကို နောက်ဆုံးရက် (လက်ရှိသတ်မှတ်ချက် )တွင် စည်းသတ်၍ ပြုလုပ် ထုတ်ပြန်ပေးခြင်းအားဖြင့ ကျသင့သုံးစွဲခကိုကောက်ခံသွားပါမည်။ သုံးစွဲခကောက်ခံလွှာကို ထုတ်ပေးပြီးသည်မှ (၂၁)ရက် အတွင်း အဆိုပါသုံးစွဲခများကို ပေးချေရပါမည်။ သုံးစွဲခများကို သတ်မှတ်ထားသည့ အတိုင်း(၂၁)ရက်အတွင်းပေးချေခြင်းမရှိခဲ့ပါက ကျွန်ပ်တို့ အနေဖြင့ နောက်ကျကြေး ကောက်ခံပိုင်ခွင့ရှိပါသည်။ နောက်တစ်လအတွက် သုံးစွဲခကောက်ခံလွှာ ထွက်ရှိလာသည့နေ့ ထိ တိုင် ယ်ခင်လမှ သုံးစွဲခများကိုပေးချေခြင်းမရှိသေးပါက အဝင်ဖုန်း၊ SMS စသည်တို့ကို လက်ခံရရှိနိုင်ပြီး၊ အထွက် ဖုန်းခေါ်ဆိုခြင်း၊ SMS ပို့ခြင်း၊ အင်တာနက်၊ VAS ဝန်ဆောင်မှု၊ roaming (ဆက်သွယ်ရေးဝန်ဆောင်မှုအတွက် ချိတ်ဆက်ထားသော ပြည်ပရှိ ဆက်သွယ်ရေးကွန်ရက်များမှတဆင့ ရယူအသုံးပြုခြင်း) အဝင်ခေါ်ဆိုမှု မှစ၍ ငွေကြေးတစ် စုံတစ် ရာကျသင့မည့ ဝန်ဆောင်မှုများကို အသုံးပြုခွင့ရရှိ မည်မဟုတ်ပါ။ အကယ်၍ သုံးစွဲခကို အဆိုပါသုံးစွဲခကောက်ခံလွှာစတင်ထုတ်ပေးခဲ့သည့နေ့ ရက်မှ ရက်ပေါင်း(၆၀)အတွင်း ပေးချေခြင်းမရှိပါက ပထမအဆင့တွင် သင့ဆင်းကတ်အား ယာယီ ပိတ်ထားမည်၊ ထိုသို့ ယာယီပိတ်ထားသည့ ကာလတွင် အဝင်ဖုန်း၊ အထွက်ဖုန်း၊ SMS အဝင်၊ အထွက် စသည်ဖြင့ မည်သည့ဖုန်းဝန်ဆောင်မှုကိုမှ ရရှိသုံးစွဲနိုင်လိမ့မည်မဟုတ်။ အဆိုပါ သုံးစွဲခတောင်းခံလွှဲစာအား ထုတ်ပေးခဲ့သည့်နေ့ ရက်မှ ရက်ပေါင်း(၉၀)အတွင်း ပေးချေခြင်းမပြုပါက သင့်ဆင်းကတ်နှင့် နံပါတ်အားအပြီးအပိုင်ပိတ်သိမ်းပစ်ပါမည်။ ယင်းပိတ်သိမ်းထားသောနံပါတ်အား တယ်လီနောမှ အခြားသူထံ ပြန်လည်ရောင်းချခွင့ရှိသည်။ ထိုသို့ ပိတ်သိမ်းခြင်းခံခဲ့ရသော သင်၏ဖုန်းနံပါတ်အား ပြန်လည်အသုံးပြုလိုပါက ကျွနုပ်တို့ ထံတွင် ပြန်လည်လျှောက်ထားနိုင်သည်၊ သို့ ရာတွင် အကယ်၍ တစုံတယောက်က သင်၏ဖုန်းနံပါတ်အား အသုံးပြုခွင့ လျှောက်ထား ရယူပြီးပါက အဆိုပါဖုန်းနံပါတ်အား ပြန်လည်ရရှိနိုင်တော့မည်မဟုတ်ပါ။

 

နံပါတ်လှနှင့်ပုံမှန်နံပါတ်များ

နံပါတ်လှနှင့် ပုံမှန်နံပါတ်များကို ကြိုတင်ငွေဖြည့်စနစ်သုံးဝန်ဆောင်မှုတွင်သာ ရရှိနိုင်သော်လည်း၊ ထိုနံပါတ်များကို လစဉ်ငွေပေးဝန်ဆောင်မှုစနစ်သို့ ပြောင်းလဲအသုံးပြုလိုပါက လစဉ်ငွေပေး ဝန်ဆောင်မှုစနစ် အတွက် သတ်မှတ်ထားသော စရန်ငွေ၊ အသုံးပြုခများ စသည်တို့ ကို ပေးဆောင်ခြင်းဖြင့် အချိန်မရွေး ပြောင်းလဲအသုံးပြုနိုင်ပါသည်

 

ငွေဖြည့်ခြင်း၊ လက်ကျန်ငွေနှင့် သုံးစွဲနိုင်မည့် ပမာဏသတ်မှတ်ချက်

ခရက်ဒစ်လက်ကျန်ငွေနှင့်အပိုဆောင်းရရှိသောအကျိုးခံစားခွင့်များစစ်ခြင်း

ခရက်ဒစ်လက်ကျန်ငွေကို *၁၂၄#ဖုန်းခေါ်ခလုပ် ကို ရိုက်နှိပ်၍လည်းကောင်း၊ လစဉ်ရရှိနိုင်သော သုံးစွဲခွင့်ပမာဏ အပါအဝင် အပိုဆောင်းရရှိသောအကျိုးခံစားခွင့်များ ကို *၁၂၄*၁#ဖုန်းခေါ်ခလုပ် ကို ရိုက်နှိပ်၍လည်းကောင်း စစ်ဆေးနိုင် သည်။ ထိုသို့ စစ်ဆေးမှုရလဒ်ကို USSD အနေနှင့် လည်းကောင်း၊ SMS အနေနှင့် လည်းကောင်း ရရှိနိုင်သည်။ အဆိုပါဝန်ဆောင်မှု နှစ်ခုစလုံးသည် ဆက်သွယ်မှုကွန်ရက်ရရှိမှုအပေါ် မူတည်နေသည်ကိုလည်း သတိပြုစေလို ပါသည်။ ဆက်သွယ်မှုပြင်ပရောက်ရှိနေချိန်တွင် မအောင်မြင်သော ကိစ်စရပ်များအတွက် တယ်လီနောမှ တာဝန်ယူမည်မဟုတ်ပါ။

လက်ကျန်ငွေ၏ပြားစွန်းများကို ဖေါ်ပြခြင်းမရှိဘဲ ကျပ်ပြည့်အထိသာဖေါ်ပြပေးပါမည်။ သို့ သော် ပြားစွန်းများကို စနစ်တွင်ထိန်းသိမ်းထားရှိပါသဖြင့် အသေးစိတ်သိရှိလိုပါက Call Center မှတဆင့် ဆက်သွယ် စုံစမ်း ရရှိနိုင်ပါသည်

 

အာမခံငွေ(စရန်ငွေ)ကောက်ခံခြင်း

လစဉ်ငွေပေးဝန်ဆောင်မှု ကို စတင်အသုံးပြုသည့်ရက် သို့ မဟုတ် ယင်းမတိုင်မီ တွင် အာမခံငွေ (စရန်ငွေ) ပေးဆောင် ထားရပါမည် ။ ကျွန်ုပ်တို့ ဝန်ဆောင်မှုအား အသုံးပြုမှုရပ်ဆိုင်းသည့်နေ့ တွင် သင်ပေးဆောင်ရန်ကျန်ရှိသော အသုံးပြုခကို အဆိုပါ အာမခံငွေ (စရန်ငွေ)မှ နှုတ်ယူထားပြီး၊ ကျန်ရှိသည့် ငွေပမာဏကိုသာ ပြန် အမ်းပေးပါမည်။ အာမခံငွေ(စရန်ငွေ) ကောက်ခံသည့်ပမာဏမှာ အခြေအနေနှင့် အချိန်အခါပေါ် မူတည် ၍ ပြောင်းလဲနိုင်ပါသည်။

 

လစဉ်သုံးစွဲနိုင်မည့် ပမာဏ သတ်မှတ်ချက် (Credit Limit)

သင်၏ လစဉ်ငွေပေးဝန်ဆောင်မှုစနစ်သုံး ဖုန်းနံပါတ်အား စတင်အသုံးပြုသည့်အချိန်မှစ၍ ခွင့်ပြုထားသည့် သတ်မှတ် ပမာဏ အတိုင်းအတာဖြင့်သာ ပြုလုပ် သုံးစွဲနိုင်မည်။ ဤသတ်မှတ်ပမာဏသည် သင့်အကောင့် ဆိုင်ရာ အခြေအနေများထဲမှ တစ်ခုဖြစ်၍ အကောင့်အပေါ်တွင်ခွင့်ပြုပေးထားသော သုံးစွဲနိုင်မည့်ပမာဏ၏ စုစုပေါင်းဖြစ်သဖြင့် ယင်းအတိုင်းသုံးစွဲသည့်အတွက် အပိုဆောင်းထပ်မံပေးဆောင်စရာ မလိုအပ် ပါ။ သင် သုံးစွဲသော ပမာဏသည် လစဉ် သုံးစွဲခွင့်ပေးထာသော သတ်မှတ် ပမာဏ (ခရက်ဒစ် )၏ ၈၀ရာခိုင်နှုန်း နှင့် ၉၀ရာခိုင်နှုန်း ဝန်းကျင် သို့ ရောက်ရှိပါက စာတို စနစ် (SMS)ဖြင့် အကြောင်းကြားပေးပါမည် ။ လစဉ် သုံးစွဲခွင့်ပြုသော သတ်မှတ် ပမာဏ (ခရက်ဒစ် )၏ ရာနှုန်းပြည့် ကို သုံးစွဲခကောက်ခံလွှာဲ ထုတ်ပြန်ပေးသည့် စည်းသတ်ရက် (လက်ရှိသတ်မှတ်ချက်အရ- လတစ်လ၏နောက်ဆုံးရက် )မတိုင်မီ သုံးစွဲ၍ကုန်ဆုံးသွားသောအခါ ယင်းလ၏ စွဲခကောက်ခံလွှဲစာထွက်ရှိသည် နေ့ ရက် အထိ ကျန်ရှိနေသော ကြားကာလများတွင် သင့်အနေဖြင့် အထွက် ဖုန်းခေါ်ဆိုခြင်း၊ SMS ပို့ခြင်း၊ အင်တာနက်၊ VAS ဝန်ဆောင် မှု ၊ roaming အစရှိသည့် ငွေကြေးတစ် စုံတစ် ရာကျသင့်မည့် ဝန်ဆောင်မှုများကို သုံးစွဲခြင်းပြုနိုင်မည်မဟုတ်ပါ။ သို့ သော် သင့်ထံတွင် အပိုထပ်ဆောင်းပေးထားသော အခမဲ့ဖုန်းခေါ်ဆိုခွင့်၊ အင်တာနက်အသုံးပြုခွင့် စသည့် အကျိုးခံစားခွင့်များ ကျန်ရှိနေသေးပါက အဆိုပါအပိုထပ်ဆောင်းရရှိသော အကျိုးခံစားခွင့်များကို အသုံးပြု၍ ဖုန်းခေါ်ဆိုခြင်း၊ အင်တာနက်အသုံးပြုခြင်းစသည့် ဝန်ဆောင်မှုများကို အသုံးပြုနိုင်မည် ။

 

ဖုန်းခေါ်ဆိုခြင်းနှင့် SMSပေးပို့ ခြင်း

အကျိုးခံစားခွင့် ယူနစ်များ

အကျိုးခံစားခွင့်ယူနစ်များတွင် ဖုန်းခေါ်ဆိုနိုင်ခွင့်မိနစ်များ၊ SMS အစောင်ရေများ နှင့် အင်တာနက် သုံးစွဲခွင့်ယူနစ်များ၊ အခြားဝန်ဆောင်မှုအသုံးပြုခွင့်များ စသည်တို့ ပါဝင်သည့် အပြင်ငွေကြေးတန်ဖိုးအသွင်ဖြင့်လည်း ပါဝင်နိုင်ပါသည်။ ဤတွင်ပါဝင်သော အကျိုး ခံစားခွင့်များကို သက်မှတ်ထားချက်များအတိုင်းသာ သုံးစွဲခြင်းပြုရန် တားမြစ် ကန့် သတ်ထားနိုင်သည်။ ဥပမာ၊ သင်ဝယ်ယူထားသော SMS အစောင်ရေများမှာ Onnet SMS ဖြစ်ခဲ့ပါက တယ်လီနော သုံးစွဲသူ (တယ်လီနောနံပါတ် ) အချင်းချင်းသာပေးပို့ နိုင်မည်။ အကျိုးခံစားခွင့် ယူနစ်များသင့်တွင်ရှိပါက သင်အသုံးပြုသည့် ဝန်ဆောင်မှုများကို သင်ရရှိထားသော အကျိုးခံစားခွင့်များထဲမှ ဦးစွာနှုတ်ယူ၍ ယင်းတို့ ကုန်ဆုံးသွားမှသာလျှင် သင့်အကောင့် ၏(ခရက်ဒစ် )ထဲမှ နှုတ်ယူ သွားမည်။ ဤအကျိုးခံစားခွင့်များ၏ သက်တမ်းကာလကို သတ်မှတ်ပေးထား သဖြင့် ယင်းကာလအတွင်းသာသုံးစွဲခွင့်ရရှိပြီး သုံးစွဲခကောက်ခံရန်သတ်မှတ်ထားသည့် ကာလတစ်ခု၏နောက်ပိုင်းတွင်သာ ခံစားခွင့်များကို အသစ်တစ်ဖန် ရရှိနိုင်လိမ့်မည် ။ သတ်မှတ်ထားသော သက်တမ်းကို ကျော်လွန် ၍ကျန်ရှိနေသော မည်သည့် အကျိုးခံစားခွင့် ကို မဆို သိမ်းယူ ပြီး ယင်းတို့ အတွက် ငွေပြန်အမ်းပေးလိမ့် မည်မဟုတ်ပါ။ ရရှိထားသော အကျိုးခံစားခွင့်များကို USSD မှတဆင့် စစ်ဆေးရာတွင် အကျိုးခံစားခွင့်များ ကုန်ဆုံးသွားသော်လည်း၊ သက်တမ်းကျန်ရှိမှုအပေါ်တွင်မူတည်၍ အဆိုပါအကျိုးခံစားခွင့်များကို စနစ်တွင် ထည့်သွင်းဖော်ပြခြင်းရှိ မည်။

အလိုအလျှာက်သက်တမ်းတိုးခြင်း

အချိန်ကာလအတိုင်းအတာတစ်ခုအတွင်း အလိုအလျောက်သက်တမ်းတိုးသွားသည့် ဝန်ဆောင်မှုမျိုးကို ကျွန်ပ် တို့ ကမ်းလှမ်းပါမည်။ ဤကဲ့သို့ ကိစ်စရပ်များတွင် ဝန်ဆောင်မှုအမျိုးအစားအလိုက် မည်သို့ သက်တမ်း တိုးသွားသည်ကို သတ်မှတ်ထားသော စည်းမျဉ်းနှင့်သတ်မှတ်ချက်များ၌ တိတိကျကျဖေါ်ပြပေး ထားပါမည်။ ဝန်ဆောင်မှုအများစုအတွတ် သက်တမ်းမကုန်မီ ( အလိုအလျောက်သက်တမ်းမတိုးခင် ) တစ်ရက်အလိုတွင် SMSဖြင့် သတိပေးမည်။ အကယ်၍သင့်အနေဖြင့် အဆိုပါဝန်ဆောင်မှုကို ဤအချိန်တွင်မရပ်နားခဲ့ပါက ကျသင့်ငွေကို သင်၏ခရက်ဒစ်အကောင့် ထဲမှ နှုတ်ယူမည် ။ အကယ် ၍ သင့်အကောင့်ထဲတွင် လုံလောက်သော ငွေပမာဏမရှိပါက သင်၏ခရက်ဒစ်အကောင့်ထဲတွင် ဝန်ဆောင်ခ ပေးဆောင်ရန် လုံလောက်သော ငွေပမာဏရှိသည့် ကာလအထိ ဝန်ဆောင်မှုကို ခေတ်တ ရပ်နားထားမည် ။ ဝန်ဆောင်မှုအမျိုးအစားအလိုက် သက်တမ်းတိုးသည့်ပုံစံမှာကွဲပြားနိုင်ပြီး၊ သတ်မှတ်ထားသော စည်းမျဉ်းနှင့် သတ်မှတ်ချက်များသည်လည်း ပုံစံမတူ ကွဲပြားနိုင်ပါသည်။

ဖုန်းခေါ်ဆိုပြီးချိန်တွင်ရရှိမည့်အသိပေးချက်

သင်ဖုန်းခေါ်ဆိုပြီးတိုင်း စနစ်မှအလိုအလျှာက်ပေးပို့ သော USSD အသိပေးချက်ကိုရရှိမည်။ ထိုအသိပေးချက် တွင် သင်၏ခေါ်ဆိုမှုအတွက် ကျသင့်ငွေ၊ ကြာချိန် နှင့် သင်အသုံးပြုနိုင်သော ခရက်ဒစ်လက်ကျန်ပမာဏ ကိုဖော်ပြပေးသွားပါမည်။ သင့်တွင် အပိုထပ်ဆောင်းရရှိသော မိနစ်များရှိလျှင် ကျသင့်ငွေကို 0.00 ကျပ်ဟု ဖော်ပြပေးပါမည်။ *၁၂၄#ဖုန်းခေါ်ခလုတ် ကို ရိုက်နှိပ်၍ သင်အသုံးပြုနိုင်သော ခရက်ဒစ်လက်ကျန်ပမာဏအား စစ်ဆေးနိုင်သည်။

မှတ်ချက်။ အကယ်၍သင်ဖုန်းခေါ်ဆိုနေချိန်တွင် အင်တာနက် ကိုလည်းအသုံးပြုနေပါက ယင်းအတွက် လက်ကျန်ငွေအချို့ကို အရန်အဖြစ်ထားရှိမည်ဖြစ်၍ အလိုအလျှာက် စနစ်မှ လက်ကျန်ငွေကို ဖော်ပြရာတွင် ကွာခြားမှုအနည်းငယ်ရှိနိုင်ပါသည်။

 

အင်တာနက်ဝန်ဆောင်မှုများ

အင်တာနက်ဝန်ဆောင်မှုအစီအစဉ်များ (Internet Packs )

အင်တာနက်အစီအစဉ်များ (internet pack) ကို ဝယ်ယူအသုံးပြုပါက ဖော်ပြထားသော သက်တမ်းမကုန် ဆုံးမီ အသုံးပြုရန် နှင့် သုံးစွဲ ရန်သက်တမ်းကုန်ပြီးပါက သင့်အကောင့်တွင် လက်ကျန်ငွေ/လက်ကျန်ယူနစ် ကျန်ရှိနေသေး သော်လည်း သုံးစွဲ၍မရနိုင်တော့သလို၊ ယင်းအတွက်ငွေလည်း ပြန်အမ်းမည် မဟုတ်ပါ။ ယူနစ်ကုန်သွား၍ဖြစ်စေ၊ သုံးစွဲရန်သက်တမ်းကုန်၍ဖြစ်စေ သင်၏အင်တာနက်အသုံးပြုမှုကို နောက်တစ် ကြိမ် ပုံမှန်သက်တမ်းတိုးမည့် အချိန်ကာလအထိ ပုံမှန် PAYG စနစ်ဖြင့် ကောက်ခံပါမည်။ တကြိမ်လျှင် အင်တာနက်အစီအစဉ်တခု (internet pack တခု ) သာ ဝယ်ယူအသုံးပြုခွင့်ရှိပါမည်။ ဝယ်ယူထား သော အင်တာနက်အစီအစဉ် (internet pack)သည် စတင်အသုံးပြုသည့်ရက်မှ ရက် (၃၀)အတွင်း အလိုအလျောက် သက်တမ်းတိုးသွားပြီး၊ အဆိုပါ internet pack၏ သက်တမ်းသည် အကောင့်၏ သုံးစွဲခကောက်ခံလွှာဆိုင်ရာ သက်တမ်းသတ်မှတ်ချက်နှင့် မသက်ဆိုင်ပါ။ နောက်တကြိမ် အင်တာနက်အစီအစဉ် အလိုအလျောက် သက်တမ်းမတိုးခင် အင်တာနက်အစီအစဉ် (internet pack) ရှိ ယူနစ်များ ကုန်ဆုံးသွားခြင်းကြောင့် အခြားအင်တာနက်အစီအစဉ် (internet pack) တခုကို ချိတ်ဆက် အသုံးပြုလိုပါက Call Center သို့ ဆက်သွယ်၍ အသုံးပြုလိုသော အင်တာနက်အစီအစဉ်အား ရယူနိုင်ပါသည်။ အခြားအင်တာနက်အစီအစဉ် (internet pack)တခုကို ပြောင်းလဲအသုံးပြုလိုပါကလည်း Call Center သို့ ဆက်သွယ်၍ ပြောင်းလဲ အသုံးပြုလိုသော အင်တာနက်အစီအစဉ်အား ရယူနိုင်ပါသည်။

CAF Form

တယ်လီနော SIM ကဒ်ကို မဝယ်ယူမှီ ဝယ်ယူသူများအနေဖြင့် မဖြစ်မနေဖြည့်စွက်ရမည့် လျှောက်လွှာပုံစံဖြစ်ပါသည်။ တယ်လီနော SIM ကဒ်ကို ဝယ်ယူမည်ဆိုပါလျှင် ဝယ်ယူသူများအနေဖြင့် သက်သေခံအထောက်အထား မိတ္တူတစ်ခုခုအား ပြသရန်လိုအပ်ပါသည်။

ဝယ်ယူသူများ အဆင်ပြေစေရန် တယ်လီနော အရောင်းဆိုင်များနှင့် မြို့ကြီးများရှိ တယ်လီနော ဆင်းကဒ် ဝယ်ယူနိုင်သော ဆိုင်များတွင် သက်သေခံအထောက်အထား တစ်ခုခုနဲ့အတူတူ digital registration လုပ်ပေးခြင်းဖြင့် ဝန်ဆောင်မှုများ ရရှိနိုင်ပါသည်။ တယ်လီနော အရာင်းဆိုင်များ နှင့် တယ်လီနောမှ ဝန်ဆောင်မှု့ပေးထားသောဆိုင်များ၏ တည်နေရာ အသေးစိတ်ကို သိရှိလိုပါက တယ်လီနော Website (သို့) Call center နံပါတ် ၉၇၉ အား တယ်လီနော ဖုန်းနံပါတ်ဖြင့် ခေါ်ဆို၍ (သို့) အခြား အော်ပရေတာ နံပါတ်များ အတွက် ဖုန်းနံပါတ် ဝ၉၇၉၀ဝ၉၇၉၀ဝ အားခေါ်ဆို၍သော်လည်းကောင်း မေးမြန်းနိုင်ပါတယ်။ သက်သေခံအထောက်အထား အနေဖြင့် နိုင်ငံသား စိစစ်ရေးကဒ်ပြား (မှတ်ပုံတင်) ၊ ကားမောင်းလိုင်စင်၊ နိုင်ငံကူးလက်မှတ်၊ ကျောင်းသားကဒ် (အစိုးရ အသိမှတ်ပြု တက္ကသိုလ် အဖွဲ့အစည်းများသာ) (သို့) ရပ်ကွက်/ ကျေးရွာ အုပ်ချုပ်ရေးမှု့၏ ထောက်ခံစာ အစရှိသည်ကို ဝယ်ယူသူများ အနေဖြင့် ယူဆောင်လာနိုင်ပါသည်။ ဝယ်ယူသူများ အနေဖြင့် မေးမြန်းစုံစမ်းစရာများရှိပါက တယ်လီနော အရောင်းဆိုင်များသို့ မေးမြန်းနိုင်ပါသည်။

My Telenor