စီမံခန့်ခွဲရေးအဖွဲ့

တယ်လီနောမြန်မာ စီမံခန့်ခွဲရေးအဖွဲ့တွင် တယ်လီနော၏အာရှတွင်း စီးပွားရေးလုပ်ငန်းများနှင့် နိုင်ငံတကာ ဆက်သွယ်ရေးလုပ်ငန်းများ၏အဓိက အခန်းကဏ္ဍများတွင် ပါ၀င်ခဲ့သည့် အတွေ့အကြုံရှိသော အလုပ်အမှုဆောင်အဖွဲ့ဝင် များဖြင့်ဖွဲ့စည်းထားသည်။

telenor_myanmar_management_1
Sharad Mehrotra

အမှုဆောင်အရာရှိချုပ်

ရှာရက်ဒ် မက်ရိုထရာသည် တယ်လီနောမြန်မာ၏ အမှုဆောင်အရာရှိချုပ် အဖြစ် ၂၀၁၈ ခုနှစ် သြဂုတ်လမှ စတင်ကာ တာဝန်ယူခဲ့သည်။ ၎င်းသည် ၂၀၁၅ ခုနှစ်တွင် တယ်လီနော အိန္ဒိယ၏ အမှုဆောင်အရာရှိချုပ်အဖြစ် ခန့်အပ်ခံရသည့်အချိန်မတိုင်မီအထိ တယ်လီနောမြန်မာ၏ စျေးကွက်ဖော်ဆောင်ရေး အရာရှိချုပ်အဖြစ် တာဝန် ယူခဲ့ဖူးသူလည်း ဖြစ်သည်။ မြန်မာနိုင်ငံတွင် 3G ဆက်သွယ်ရေးဝန်ဆောင်မှုများ ပေးအပ်နိုင်သည့် ကုမ္ပဏီ တစ်ခုအဖြစ် အခိုင်အမာရပ်တည်နိုင်ရေးကြိုးပမ်းခဲ့သော ဝန်ထမ်းများအနက်တစ်ဦးဖြစ်သည့်အလျှောက် နိုင်ငံ အတွင်း ဝန်ဆောင်မှုများ စတင်လည်ပတ်သည့် ပထမ နှစ်နှစ်တာ ကာလအတွင်း ကုမ္ပဏီခိုင်မာစွာ ရပ်တည် နိုင်ရေး စွမ်းစွမ်းတမံကြိုးပမ်းခဲ့သူလည်း ဖြစ်သည်။

နိုင်ငံပေါင်းများစွာတွင်လည်းကောင်း၊ အထူးသဖြင့် အိန္ဒိယ၊ မြန်မာနှင့် ထိုင်းနိုင်ငံတို့ရှိ ဆက်သွယ်ရေးဆိုင်ရာ စီးပွားရေးလုပ်ငန်းများတွင်လည်းကောင်း၊ Aircel-India၊ Ericsson India နှင့် BPL Telecom တို့တွင် လည်းကောင်း စီမံခန့်ခွဲမှုဆိုင်ရာ အဆင့်မြင့်ရာထူးများတွင် တာဝန်ယူခဲ့သည့် ၂၅ နှစ်ကျော် အတွေ့အကြုံရှိသူ ရှာရက်ဒ်သည် အရှုံးအမြတ်ဆိုင်ရာ လုပ်ငန်းများနှင့် နေရာများစွာ၌ ဖြန့်ကျက်ထားသည့် ဝန်ထမ်းများအား လုပ်ငန်းခွင်ဆိုင်ရာ စီမံခန့်ခွဲမှုတို့တွင် အတွေ့အကြုံများစွာရှိသကဲ့သို့ အကျိုးအမြတ်များစွာ ဖြစ်ထွန်းစေသည့် go-to-market နည်းဗျူဟာများ ရေးဆွဲချမှတ်အကောင်အထည်ဖော်ရာတွင်လည်း ကျွမ်းကျင်သူဖြစ်သည်။ 

Sharad Mehrotra သည် လွန်ခဲ့သည့် ၁၀ နှစ်ကျော်ကတည်းက တယ်လီနောတွင် ဝင်ရောက်လုပ်ကိုင်ခဲ့ခြင်း ဖြစ်ပြီး အိန္ဒိယနိုင်ငံတွင် တယ်လီနောဝန်ဆောင်မှုများစတင်ပေးနိုင်ရေး ကြိုးပမ်းခဲ့သည့် အဓိကလုပ်ငန်းအဖွဲ့တွင် ပါဝင်ခဲ့သည်။ Sharad သည် Pune တက္ကသိုလ်မှ လျှပ်စစ်အင်ဂျင်နီယာဘွဲ့နှင့် စျေးကွက် စီမံခန့်ခွဲမှုဆိုင်ရာ အမ်ဘီအေဘွဲ့တို့ကို ရရှိခဲ့သူဖြစ်သည်။

telenor_myanmar_management_3
Amaresh Kumar

စျေးကွက်ဖော်ဆောင်ရေးအရာရှိချုပ်

Amaresh Kumarသည် တယ်လီနောမြန်မာ၏ စျေးကွက်ဖော်ဆောင်ရေးအရာရှိချုပ်ဖြစ်သည်။ သည့်မတိုင်မီကတယ်လီနောအိန္ဒိယ၏ Chief Product Officer (စီပီအို) အဖြစ် တာဝန်ယူခဲ့သူတစ်ဦးဖြစ်ပြီး ၂၀၁၈ ခုနှစ်မေလတွင် တယ်လီနောမြန်မာသို့ ပြောင်းရွေ့တာဝန်ထမ်းဆောင်ခဲ့သူဖြစ်သည်။ သူသည် ဆက်သွယ်ရေးဝန်ဆောင်မှုလုပ်ငန်းကဏ္ဍတွင် လုပ်ငန်းအတွေ့အကြုံများစွာရှိသူတစ်ဦးဖြစ်ပြီးအိန္ဒိယ၏ ထိပ်တန်းမိုဘိုင်းအော်ပရေတာများစွာတွင် အရောင်းနှင့် စျေးကွက်မြှင့်တင်ရေးရာအုပ်ချုပ်မှုတာဝန်များစွာကိုထမ်းဆောင်ခဲ့သူ ဖြစ်သည်။တယ်လီနောအိန္ဒိယတွင် Pricing, Revenue Planning and Market Research တာဝန်ခံအဖြစ် ၂၀၁၀ ခုနှစ်မှ စတင်တာဝန်ယူခဲ့ပြီး ၂၀၁၁ ခုနှစ်တွင် စီပီအိုအဖြစ် ခန့်အပ်ခံခဲ့သည်။

telenor_myanmar_management_2
Caroline Yin Yin Htay

စီးပွားရေးဆိုင်ရာအရာရှိချုပ်

ကယ်ရိုလိုင်းယဉ်ယဉ်ဋ္ဌေးသည် တယ်လီနောမြန်မာ၏ စီးပွားရေးဆိုင်ရာအရာရှိချုပ်ဖြစ်သည်။ ၂၀၁၃ ခုနှစ် နိုဝင်ဘာလတွင် Head of Accounting and Tax အနေဖြင့် တယ်လီနောတွင် စတင်တာဝန်ထမ်းဆောင်ခဲ့ပြီး ၂၀၁၆ခုနှစ် သြဂုတ်လတွင် ဘဏ္ဍာရေးဆိုင်ရာ အရာရှိချုပ်အဖြစ် ခန့်အပ်ခြင်းခံရသည်။ ထို့နောက် ၂၀၁၉ခုနှစ်မတ်လမှ စတင်ပြီး ဒေါ်ယဉ်ယဉ်ဋ္ဌေးကို တယ်လီနောမြန်မာ၏ စီးပွားရေးဆိုင်ရာအရာရှိချုပ်အဖြစ် တာဝန်လွှဲပြောင်း ပေးအပ်ခံခဲ့သည်။ ဒေါ်ယဉ်ယဉ်ဋ္ဌေးသည် ဆက်သွယ်ရေးကဏ္ဍ၏ ဘဏ္ဍာရေးနဲ့ပတ်သက်ပြီး အမျိုးမျိုးသော တန်ဖိုးကွင်းဆက်များတွင် အလုပ်လုပ်ကိုင်ခဲ့သည့် အတွေ့အကြုံ၁၅ နှစ်ကျော် ရှိခဲ့သူဖြစ်သည်။ သူမအနေဖြင့် စင်ကာပူနိုင်ငံ StarHub တွင် စတင်လုပ်ကိုင်ခဲ့ပြီးနောက် Motorola Inc., တွင် စီမံချက်ပေါင်းများစွာကို ဦးဆောင်ခဲ့သည်။ ဒေါ်ယဉ်ယဉ်ဋ္ဌေးသည် သြစတြေးလျနိုင်ငံ CPA ၏ Fellow တစ်ယောက်ဖြစ်သည့်အပြင် အာဆီယံ CPA ကို ပထမဆုံးရရှိခဲ့သည့် မြန်မာနိုင်ငံသားတစ်ဦးဖြစ်ပြီး ယူကေနိုင်ငံ ဟားလ် တက္ကသိုလ်က ချီးမြှင့်သည့် EMBA ဘွဲ့ကိုရရှိခဲ့သူဖြစ်သည်။

telenor_myanmar_management_4
Hans Martin Hoegh Henrichsen

ကော်ပိုရိတ်ရေးရာအရာရှိချုပ်

Hans Martin Hoegh Henrichsenသည် ၂၀၁၈ ခုနှစ် မေလ ၁ ရက်နေ့တွင် တယ်လီနောမြန်မာ၏ ကော်ပိုရိတ်ရေးရာအရာရှိချုပ် ဖြစ်လာခဲ့သည်။ ယခုရာထူးမတိုင်မီဟန်စ်မာတင်သည် တယ်လီနော၏ ဘင်္ဂလားဒေ့ရှ်နိုင်ငံဆိုင်ရာChief Representative Officer အဖြစ်နှင့် ဘင်္ဂလားဒေ့ရှ်နိုင်ငံ၏ အကြီးမားဆုံးဆက်သွယ်ရေးဝန်ဆောင်မှုကုမ္ပဏီကြီးဖြစ်သောဂရာမင်းဖုန်း၏ ဒါရိုက်တာဘုတ်အဖွဲ့ဝင်အဖြစ် တာဝန်ထမ်းဆောင်ခဲ့သည်။တယ်လီနောလုပ်ငန်းစုလုပ်ငန်းကဏ္ဍဖွံ့ဖြိုးမှုဌာန၏ ဒုတိယဥက္ကဋ္ဌအဖြစ်လည်းဆောင်ရွက်ခဲ့ပြီးမြန်မာနိုင်ငံတွင် လုပ်ငန်းအခွင့်အလမ်းများကနဦးစူးစမ်းဖော်ထုတ်ခဲ့သည့် တယ်လီနောဝန်ထမ်းများထဲမှ တစ်ဦးဖြစ်သည်။ ထို့ပြင် တယ်လီနောမြန်မာလုပ်ငန်းစတင်သည့်ကနဦးကာလ ၂၀၁၃ ခုနှစ်မှ ၂၀၁၄ ခုနှစ်အထိကုမ္ပဏီ၏ ရေရှည်တည်တံ့သောလုပ်ငန်းဆောင်ရွက်မှုကဏ္ဍဆိုင်ရာစီနီယာဒုတိယဥက္ကဋ္ဌအဖြစ်ထမ်းဆောင်ခဲ့သည်။ ဟန်စ်မာတင်သည် တယ်လီနောတွင် ၂၀၀၀ ခုနှစ်မှ စတင် တာဝန်ထမ်းဆောင်ခဲ့ပြီးတယ်လီနောလုပ်ငန်းစုအတွင်းတွင် နိုင်ငံတကာအဆင့်ရာထူးအမျိုးမျိုးတာဝန်ယူထမ်းဆောင်ခဲ့သည်။

telenor_myanmar_management_6
Helge Øien

ဘဏ္ဍာရေးဆိုင်ရာ အရာရှိချုပ်

Helge Øienသည် တယ်လီနောမြန်မာ၏ ဘဏ္ဍာရေးဆိုင်ရာ အရာရှိချုပ်ဖြစ်သည်။ Mr. Øien သည် ဤ ရာထူးမတိုင်မီက တယ်လီနောလုပ်ငန်းစု၊ ကုမ္ပဏီများ ပူးပေါင်းဆောင်ရွက်ခြင်း လုပ်ငန်း စီမံခန့်ခွဲရေး (M&A) ဌာန၏ အချက်အလက် ဆန်းစစ်လေ့လာရေးအဖွဲ့ ဒုတိယဥက္ကဋ္ဌ (Vice President of Analytics) အဖြစ် တာဝန်ထမ်းဆောင်ခဲ့သူဖြစ်ပြီး တယ်လီနောလုပ်ငန်းစု၏ ရင်းနှီးမြှပ်နှံသူများဆိုင်ရာ ဆက်ဆံရေး (Investor Relations - IR) ဌာန၏ ဒါရိုက်တာအဖြစ် ၇နှစ်ကြာ တာဝန် ထမ်းဆောင်ခဲ့သူလည်း ဖြစ်သည်။ တယ်လီနောတွင် တာဝန်မထမ်းဆောင်ခင်က Helge သည် နော်ဝေနိုင်ငံရှိ Microsoft ကုမ္ပဏီ၏ စီးပွားရေး အချက်အလက် လေ့လာဆန်းစစ်ရေးအဖွဲ့တွင် တာဝန်ထမ်းဆောင်ခဲ့သည့် အပြင် နော်ဝေ ငွေရေးကြေးရေး သတင်းအချက်အလက် အေဂျင်စီ TDN Finans ၏ လက်ထောက်အယ်ဒီတာအဖြစ်လည်း တာဝန် ထမ်းဆောင်ခဲ့သည်။

telenor_myanmar_management_5
Jai Prakash

နည်းပညာရေးရာအရာရှိချုပ်

Jai Prakash သည် တယ်လီနောမြန်မာ၏ နည်းပညာရေးရာအရာရှိချုပ်ဖြစ်ပြီးကွန်ရက်လည်ပတ်ခြင်းနှင့် ဖြန့်ကျက်ခြင်းတို့ အတွက်တာဝန်ယူထားသူဖြစ်သည်။ဆက်သွယ်ရေးလုပ်ငန်းများတွင် ၂၄ နှစ်ကျော် ကျင်လည်ခဲ့သည့်အတွေ့အကြုံများကိုပိုင်ဆို်င်ထားသူJai Prakashသည် တယ်လီနောမြန်မာတွင် တာဝန်မထမ်းဆောင်မီတယ်လီနောအိန္ဒိယတွင် Circle Technical Head for Bihar and UP (East) အဖြစ် ၆ နှစ်ကျော်တာဝန်ယူခဲ့သူဖြစ်သည်။

telenor_myanmar_management_6
Selina Lomholdt

လူ့စွမ်းအားအရင်းအမြစ်ဆိုင်ရာ အရာရှိချုပ်

တယ်လီနော မြန်မာ၏လူ့စွမ်းအားအရင်းအမြစ်ဆိုင်ရာ အရာရှိချုပ် ဖြစ်သူ Selina Lomholdtသည် တယ်လီနောဒိန်းမတ်၏ လူ့စွမ်းအားအရင်းအမြစ်ဆိုင်ရာအရာရှိချုပ်အဖြစ် တာဝန်ထမ်းဆောင်ခဲ့သူဖြစ်ပြီးလူ့စွမ်းအားအရင်းအမြစ်ဖွံ့ဖြိုးတိုးတက် ရေးလုပ်ငန်းများတွင် နှစ်ပေါင်း ၂၀ ကျော် အတွေ့အကြုံရှိသူဖြစ်သည်။ ထို့ပြင် လုပ်ငန်းခွင်တွင် အချင်းချင်းလေးစားဂရုထားခြင်း၊ ပူးပေါင်းဆောင်ရွက်ခြင်းနှင့် ဖွံ့ဖြိုးတိုးတက်စေမှုတို့ကိုဦးတည်သည့် ကုမ္ပဏီအလေ့အထတစ်ရပ် ဖော်ဆောင် ရာတွင်လည်းကောင်း၊ ကုမ္ပဏီ၏ လုပ်ငန်းဆောင်တာများအားစျေးကွက် အခွင့်အလမ်းသစ်များကိုရယူနိုင်စွမ်းရှိရေး ပြုပြင် မွမ်းမံရာတွင်လည်းကောင်းအခရာကျသူဖြစ်သည်။ တယ်လီနောတွင် တာဝန်မထမ်းဆောင်မီ Dell နှင့် Radisson SAS Hotels တို့တွင် နိုင်ငံတကာရာထူးများအပါအဝင် စီမံခန့်ခွဲမှုဆိုင်ရာရာထူးများစွာတွင် တာဝန်ထမ်းဆောင်ခဲ့သူဖြစ်သည်။

My Account
Live Chat
Share Share