telenor_myanmar_Anti-Corruption
telenor_myanmar_Anti-Corruption

Telenor Group Anti-corruption programme

telenor_myanmar_anti_corruption

Anti-Corruption Handbook

telenor_myanmar_anti_corruption

Download the Anti-Corruption Handbook

Telenor သည် မည်သည့်ပုံစံ၊ မည်သည့်အသွင်ဖြင့်ဖြစ်စေ အဂတိလိုက်စားမှုမှန်သမျှကို အခိုင်အမာဆန့်ကျင်၍ မိမိတို့၏ လုပ်ငန်းများကို အမြင့်ဆုံးကျင့်ဝတ်စံနှုန်းများနှင့်အညီ ပြုမူဆောင်ရွက်သွားမည်ဟု သန္နိဌာန်ချမှတ်ထားပါသည်။ မည်သည့်နေရာ၊ မည်သည့်ဒေသတွင် လုပ်ငန်း လုပ်ကိုင်ဆောင်ရွက်သည်ဖြစ်စေ လုပ်ငန်းရေရှည်ဖြစ်ထွန်း တည်တံ့စေရေးအတွက် တစ်ခုတည်းသောစံသတ်မှတ်ချက်ကို အားလုံးတပြေးညီလိုက်နာကြရန် Telenor ၏ စီမံခန့်ခွဲဆောင်ရွက်မှုဆိုင်ရာ မူဘောင်က ချမှတ်ပေးထားပါသည်။

Telenor ဝင်ရောက်လုပ်ကိုင်လျက်ရှိသော အောင်မြင်ဖြစ်ထွန်းစစျေးကွက်များတွင် နိုင်ငံရေး၊ လူမှုရေးအရ ထိလွယ်ရှလွယ်ရှိသော ဒေသများလည်း ပါဝင်ပါသည်။ အပြည်ပြည်ဆိုင်ရာ ပွင့်လင်းမြင်သာမှု အဖွဲ့၏ အဂတိလိုက်စားမှုဆိုင်ရာ အညွန်ကိန်းကဲ့သို့သော အညွန်းကိန်းများ အရဆိုရပါမူ မြန်မာ နိုင်ငံသည် စိန်ခေါ်မှုအများဆုံးသော နိုင်ငံများထဲတွင် အပါအဝင်ဖြစ်ပါသည်။ အကျင့်ပျက်ခြစားမှု၊ အဂတိလိုက်စားမှု အန္တရာယ်တို့ ကြုံတွေ့ရနိုင်ခြေအလားအလာကို ဖြေရှင်း ဆောင်ရွက်နိုင်ရန် နောက်ကြောင်းစစ်ဆေးခြင်းနှင့်စပ်လျဉ်းသည့် လုပ်ထုံးလုပ်နည်းများကို အထူးဂရုစိုက်ကာ အဂတိလိုက်စားမှု အန္တရာယ်ကို Telenor က စနစ်တကျ ကိုင်တွယ် ဆောင်ရွက်လျက်ရှိပါသည်။

အကျင့်ပျက်ခြစားမှု၊ အဂတိလိုက်စားမှုများကြုံတွေ့နိုင်ဖွယ် အလားအလာရှိသည့် နေရာများကို ယင်းအလားအလာရှိမှုအပေါ်တွင် အခြေခံသည့်ချဉ်းကပ်မှုများဖြင့် Telenorအဖွဲ့၏ အဂတိလိုက်စားမှု ဆန့်ကျင်တိုက်ဖျက်ရေး အစီအစဉ်တွင် နက်ရှိုင်းခိုင်မာစွာ ထည့်သွင်း တည်ဆောက်ထားသော မူဘောင်သဘောတရားများ၊ လုပ်ထုံးလုပ်နည်းများအတိုင်း ဆောင်ရွက်ပါသည်။ အဂတိလိုက်စားမှု ဆန့်ကျင် တိုက်ဖျက်ရေး အစီအစဉ်ကို မြန်မာပြည်တွင် အကောင်အထည်ဖေါ်ရာတွင် အောက်ပါလုပ်ငန်းစဉ်များပါဝင်ပါသည်။

  • လုပ်ငန်း လုပ်ကိုင်ဆောင်ရွက်လျက်ရှိသည့် ဒေသတွင်းမှ အခြေအနေ အကြောင်းခြင်းရာများ နှင့် သင့်တော် တည့်မတ်သော ပေါ်လစီနှင့်လုပ်ထုံး လုပ်နည်းများ၊
  • လုပ်ငန်း လုပ်ကိုင်ဆောင်ရွက်လျက်ရှိသည့် ဒေသတွင်းမှ အခြေအနေ အကြောင်းခြင်းရာများ နှင့် သင့်တော် တည့်မတ်သော ပေါ်လစီနှင့်လုပ်ထုံး လုပ်နည်းများ၊
  • ပေးသွင်းသူများ နှင့် မိတ်ဖက်လုပ်ငန်းများကို အန္တရာယ်ကြုံတွေ့နိုင်ခြေအလားအလာအပေါ်တွင် အခြေခံ၍ နောက်ကြောင်းစစ်ဆေးခြင်းများဆောင်ရွက်ခြင်း၊
  • ကျွန်ုပ်တို့၏ ဝန်ထမ်းများ၊ မိတ်ဖက်လုပ်ငန်းများ နှင့် ကန်ထရိုက်တာများကို ပုံမှန် ဆက်သွယ်ပြောကြားခြင်း၊ အသိပညာပေး သင်တန်းများ နှင့် အရည်အသွေးမြှင့် သင်တန်းများပေးခြင်း၊

အဂတိလိုက်စားမှု ဆန့်ကျင်တိုက်ဖျက်ရေး ဆိုင်ရာလုပ်ငန်းတာဝန်များနှင့်စပ်လျဉ်း၍ စနစ်တကျဖွဲ့စည်း တာဝန်ပေးအပ်ထားသည့်အဖွဲ့အစည်းကို Telenor Myanmar တွင် ထားရှိရေးတာဝန်မှာ ဒါရိုက်တာများ ဘုတ်အဖွဲ့၏ တာဝန်ပင်ဖြစ်ပါသည်။ အကျင့်ပျက် ခြစားမှုနှင့်လာဘ်ပေးလာဘ်ယူမှုများကို မည်သို့မျှ လက်ခံမည်/သည်းခံမည် မဟုတ်ကြောင်းကို Telenor၏ စီမံအုပ်ချုပ်သူများက အဓိပ္ပါယ်ရှင်းလင်းသော သတင်းများ/မက်ဆေ့(ဂျ) များကို မိမိတို့၏ ဝန်ထမ်းအားလုံး နှင့် မိတ်ဖက်လုပ်ငန်းများထံသို့ ပုံမှန် အကြောင်းကြားရန် သန္နိဌာန်ချမှတ် ဆောင်ရွက်လျက်ရှိပါသည်။ အသိပညာပေးခြင်းနှင့် သင်တန်း ပေးခြင်းများသည် Telenor၏ ကျင့်ဝတ်နီတိဆိုင်ရာ စံသတ်မှတ်ချက်များကို ဝန်ထမ်းများနှင့် သက်ဆိုင်သူများက ပိုမိုသိရှိနားလည် လိုက်နာစေရေးအတွက် အဓိက အထောက်အကူ ဖြစ်စေပါသည်။

Telenor Myanmar သို့ ကုန်စည်/ဝန်ဆောင်မှုများကို ကမ်းလှမ်းရောင်းချ ပေးသွင်းလျက်ရှိသည့် Telenor Myanmar နှင့် တိုက်ရိုက်စာချုပ်ချုပ်ဆိုထားရှိသည့် ပေးသွင်းသူများနှင့် မိတ်ဖက်လုပ်ငန်းများက Telenor၏ Supplier Conduct Principles (ပေးသွင်းသူ ကျင့်ဆောင်ဖွယ်ရာ မူသဘောတရားများ)ကို မဖြစ်မနေ လိုက်နာကြရပါမည်။ PDFကို ဒေါင်းလုဒ်လုပ်ရန်»

ဤစံချိန်စံညွှန်များသည် ကျင့်ဝတ်နီတိပိုင်းဆိုင်ရာနှင့် အဂတိလိုက်စားမှုဆန့်ကျင်တိုက်ဖျက်ရေးပိုင်းဆိုင်ရာ စံချိန်စံညွှန်းများ အပါအဝင် Telenor ကမျှော်မှန်းထားသော အနိမ့်ဆုံးပြည့်မီရန် လိုအပ်ချက်များဖြစ်ပါသည်။ ဤစံချိန်စံညွှန်းများနှင့်စပ်လျဉ်းသည့် သတင်းတန်းများပေးခြင်းအပြင် အသိပေး၍ သော်လည်းကောင်း၊ အသိမပေးဘဲသော်လည်းကောင်း ဆိုက်များသို့ သွားရောက် စစ်ဆေးခြင်းတို့အပါအဝင် အဂတိလိုက်စားမှု အန္တရာယ်ကြုံတွေ့နှိုင်ခြေအလားအလာရှိမှုအပေါ် အခြေခံထား ဆောင်ရွက်သည့် နည်းလမ်းများမှတဆင့် လိုက်နာဆောင်ရွက်မှု ရှိမရှိကို Telenor က စောင့်ကြည့်လေ့လာ အကဲဖြတ်လျက်ရှိပါသည်။

My Telenor
Share Share